Question Answer’s

Kam Umer Shohar Aur Old Age Biwi? Kaha jata hai kay mard ko apni age sey zyada age ki aurat sey shadi nahi karni chahiye. Zyada age ki aurat sey shadi kar kay mard jaldi old ho jata hai jab kay aurat jawan ho jati hai. Iss ki koi haqeeqat nahi. (Zakir) Hazrat Khadija ki age, Hazrat Muhammad (P.B.U.H) ki age sey 15 years zyada thee aur inki zindagi bohut khushgawar guzri. Taham behter yeh hai kay aurat ki age mard sey 5 to 10 years chuti ho kyun ka aurton ka jism bachon ki paedaesh ki wajah sey jald dhal jata hai jiski wajah sey aurat mein kashish kam ho jati hai. Agar biwi ki age kam hogi to uski jismani kashish zyada der tak barqarar rahey gi. Waisey bhi aurat jismani lehaz sey mard kay muqabley mein jald mature ho jati hai. Barri Umer Ka Mard Aur Naujawan Biwi? East aur West donon mein yeh baat mashhoor hai kay agar zyada age ka aadmi kisi naujawan larki sey shadi karey ga to woh bhi jawan ho jaey ga. Iss ka burhapey ka amal ruk jaey ga. Issi liye burhey jageer dar aur sarmaya daar jawan honay kay liye naujawan larkion sey shadi kartey hain. Yeh bhi ek mafrooza hai jiski koi haqeeqat nahi. Age kay farq ki wajah sey na to jawan burha hojata hai aur na hi burha naujawan ho jata hai. Kamzor Mard Sehat Mand Aurat? Hamarey yahan ek khayal yeh bhi hai kay agar kamzor aur dubla patla mard kisi sehat mand aurat sey shadi karley to iss sorat mein na sirf aisa kamzor mard aurat ko bhi jinsi tor per puri tarhan satisfy na kar sakey ga bul kay iss kay jism ko nuqsan pohnchey ga. Iski sehat mutassir hogi aur iski age bhi kam ho jaey gi. Research sey iss tarhan ki koi baat sabit nahi ho saki kay agar dubla patla mard sehat mand aurat sey shadi kar ley ga to aurat ko koi faida hoga ya mard ko koi nuqsan. Dusri taraf dekha gaya hai kay dubley patley mardon ki biwiyan jinsi tor per bohut satisfy hotin hain. Mardana kamzori (erectile dysfunction) ki aik bari wajah motapa bhi hai. (Hyde) Zyada Der Tak Jari Rehney Wali Mubashrat Zyada LutfAngaez Hoti Hai? (Long Time Intercourse) Yeh baat puri duniya mein mashhoor hai kay long time intercourse (zyada der tak jari rehney wali mubashrat) zyada lutf angaez hai. Issi liye duniya mein har insan mubashrat (Intercourse) kay time ko zyada karna chahta hai aur iss kay liye har qurbani deney ko tayyar hai. Iss ka liye puri duniya kay bazar medicines sey bharey parey hain. Jab kay haqeeqat yeh hai kay 75% to 80% khawateen sirf mubashrat (Intercourse) sey orgasm hasil nahi karti, chahey mubashrat (Intercourse) kitni hi taweel kyun na ho. Research sey maloom hua hai kay aurton ki majority bohut taweel mubashrat (Intercourse) ko pasand nahi karti. Kyun kay taweel mubashrat (Intercourse) sey inn ko lutf kay bajaey takleef hoti hai. Specially vagina mein lubricant na ho jo kay usually lambi mubashrat (Intercourse) mein kam ya khatam hojata hai. (Dastoor) Hite kay survey kay mutabiq aurton ki aksariyat taweel mubashrat (Intercourse) ko pasand nahi karti. Bharpoor jinsi lutf kay liye zyada waqt nahi bul kay mubashrat (Intercourse) ka tareeqa zyada ahem hai. Jiska tafseeli zikr meri kitab ‘Azdawaji Khushiyan – For Men ‘ aur ‘Azdawaji Khushyan – For Women’ mein mojood hai. Mard Kay Jism Per Baal: Hair On Men’s Body Puraney daur sey yeh baat mashhoor chali aa rahi hai kay woh mard jin kay jism per zyada aur ghaney baal hotey hain woh zyada mardana quwwat rakhtey hain. Issi tarhan woh mard jin kay jism per baal nahi hotey woh jinsi tor per kamzor hotey hain. Baal kay honay yeh na honay ka mardana quwwat kay sath hargiz koi ta’alluq nahi. Issi tarhan mardon kay chest per paeda honay waley baal kay barey mein bhi kuch logon ka khayal hai kay agar yeh zyada ghaney hon to aisey naujawan zyada mardana quwwat aur jinsi desire (libido) rakhta hai, lekin research sey yeh baat sabit nahi ho saki. Doosrey alfaz mein yeh aik bey buniyad concept hai kay chest per zyada baal, ghaney baal black hairs ka sex kay sath koi ta’alluq hai. Ganja Pan Mardangi Ki Alamat? Kuch logon mein yeh baat mashhoor hai kay ganjey aadmi doosron ka muqabley mein zyada mardana quwwat rakhtey hain. Yani ganja pan mardana quwwat ki alamat hai. Arasto ka khayal tha ka jinsiyat mein intihai dilchaspi ganjai pan ki wajha hai. Iss waqt sey yeh khayal aam ho gaya kay ganjey aadmi jinsi tor per zyada taqatwar hotey hain laikin iss khayal ko England kay Royal hospital mein ganjey aadmion ka mardana hormones testosterone ki studies ney ghalat sabit kar diya. Iss research mein 48 healthy aadmion ko jinki age ka average 40 years tha. Results kay baad ganjey aur aam aadmion kay khoon mein mardana hormone testosterone kay level mein koi farq nahi paya gaya aur na hi yeh sabit hua kay ganjey pan ka mardana quwwat kay sath koi ta’alluq hai. (Zakir) Peeshab Mein Jalan Aur Khoon (Acidity In Urine) Baaz auqat insan peeshab kartey huey jalan mehsoos karta hai. Iss ki barri wajah peeshab mein acidity (acidity in urine) ka zyada hona hai. Jo log gosht waghaera zyada khatey hain magar paani kam peetey hain, Inn kay urine mein acidity zyada ho janey ki wajah sey jalan hoti hai. Iss kay elawa prostate ya bladder mein infection ki wajah sey bhi jalan hoti hai. Kabhi kabhar peeshab kay sath khoon bhi kharij hota hai. Yeh khoon kabhi peeshab kay shuru mein, kabhi peeshab kay darmiyan mein aur kabhi aakhir mein ata hai. Iss ki kaee wajoohaat ho sakti hain magar aam wajoohaat mein bladder mein stone ka hona, peeshab (urine) ki naali, prostate glands ya bladder ka infection shamil hai. Magar iss ka insan ki mardana quwwat kay sath koi ta’alluq nahi. Inn soorton mein kisi achey urologist sey madad lein. Mani (seminal fluid) Kay Rung Mein Tabdeeli Mardana Kamzori Ki Alamat Hai? Jawani mein kharij honay wali mani (seminal fluid) ka colour bilkul white hota hai magar age kay sath sath mani (semen) ka colour change ho jata hai aur iss ka colour white sey halka peela ho jata hai. Research sey sabit hua hai kay mani (semen) kay colour ka mardana quwwat kay sath hargiz koi ta’alluq nahi aur na hi yeh koi beemari hai. Lehaza mani (semen) kay colour mein tabdeeli mardana kamzori ki alamat nahi. (Koth Ram) Mani (semen) Mein Khoon Ya Pus Ana: Baaz auqat insan ki mani (seminal fluid) mein khoon ya pus shamil hoti hai. Iss ki bari wajah prostate gland aur seminal vesicles ka infection, inflammation aur congestion hoti hai. Iss kay elawa trauma aur urethritis ki wajah sey bhi mani (seminal fluid) mein khoon aur pus aa jata hai. Iss surat mein kisi achey urologist sey elaj karwaein. (Kothari) Jiryan / Dhat Syndrome: Jiryan sey murad amooman woh white material liye jata hai jo peeshab ya rafa e hajat kay baad ya pehley mard kay penis sey kharij hota hai. Neem Hakeem isey ek bohut hi khatarnak jinsi beemari qarar detey hain jis kay bohut sey nuqsanat hain. Jiryan Ki Mafrooza Tabaahkariyan: Jiryan kay hawaley sey mukhtalif logon ney ghalat fehmiyan phaelaee hui hain jin ka haqeeqat kay sath koi ta’alluq nahi. Homeo doctor Ali Asghar Choudri apni book mein farmatey hain kay jiryan sey: 1. Dimagh kamzor ho jata hai. Parhney ko dil nahi chahta aur parhney kay bawajood kuch yad nahi hota. 2. Eye sight kamzor honay lagti hai. 3. Nerves kamzor hojati hain. Tarhan tarhan kay khouf tari ho jatey hain. Zara zara si baat per ghabrahat hoti hai. Dil dharakta hai aur eyes kay aagey andhera aajata hai. 4. Chusti chalaki khatam hojati hai. Chehra bey ronaq ho jata hai. Badan sust aur kamzor honay lagta hai. Zara si mehnat mushaqqat per badan thak kay choor ho jata hai. 5. Kisi kam ko dil nahi chahta. 6. Legs aur kamar mein dard honay lagta hai. 7. Susti aur udasi cha jati hai. 8. Mezaj mein chirchira pan paeda honay lagta hai. 9. Ahsas e kamtari tari hojati hai aur kisi sey ankh mila ka bat karna ka hosla nahi rehta. 10. Gatherings mein janey sey khouf sa mehsoos hota hai. Mani (seminal fluid) johar e hayat hai iss kay zaya honay sey zindagi ka chiragh timtimaney lagta hai aur isski roshni kam honay lagti hai. Yeh Sab Ghalat Hai: Agar aap kabhi Sunday kay newspapers kay ads aur dewari ads ka jaeza lein to mehsoos hoga kay sari nation jinsi mareez hai aur iss nation ka sab sey bara problem jiryan hai. Naujawan iss kay elaj per hazaron rupee kharch kar detey hain magar kuch farq nahi parta. Haqeeqat yeh hai kay yeh koi beemari nahi yeh urethral gland sey nikalney wala material hota hai jo usually uss waqt nikalta hai jab insan peeshab ya stool kay liye zor lagata hai. Baz auqat sexual stimulation ya ehtilam waghaera ki wajah sey kuch mani (seminal fluid) kharij ho jati hai chun key peehsab ki naali seedhi nahi bul kay English kay letter S ki shakal ki hai jiski wajah sey sari mani (seminal fluid) kharij nahi hoti bul kay mani (seminal fluid) kay 1 ya 2 qatrey (drops) peeshab ki naali kay neechey waley curve hissey mein reh jati hain. Chunkay urine aur mani (seminal fluid) kay ikhraj ka ek hi rasta hai chunacha baad mein jab insan urine pas karta hai to yeh bachi hui mani (seminal fluid) urine ka pehla drop kay sath bahir aa jata hai. Medical science ki nazar mein jiryan ki koi ahmiyat nahi aur na hi yeh kisi beemari ya kamzori ki alamat hai iss kay elaj ki koi zarorat nahi kyun kay yeh ek natural process hai Kya Mani (semen) Ko Mehfooz Karney Sey Sehat Behtar Hoti Hai? Na sirf aam logon bul kay hakeemon ka bhi khayal hai ka agar mani (semen) ko kharij na honay diya jaey aur iss ko safe karliya jaey to insan ki sehat achi hogi, jism mazboot hoga, age lambi hogi aur iss ki athletics ki abilities mein izafa hoga. Yani agar koi insan mani (semen) ko kharij na karey to woh super athlete ban jaey ga. Iss falsafey kay tehet hamarey yahan pehelwanon ki jald shadi nahi kari jati. Research sey iss tarhan ki koi baat sabit nahi ho saki. Lehaza yeh tasawwur bilkul ghalat hai kay mani (semen) ko safe karney sey insan rustam e zama ban jaiga Thin Seminal Fluid – Patli Mani Patli (Thin) Mani Jinsi Aur Takhleeqi Kamzori Ki Alamat Hai? Kashif ek sehat mand naujawan tha yeh shadi sey pahlotahi kar raha tha. Elaj kay liye mera pas aya. Iss ka yeh khayal tha ka kyun ka eski mani (seminal fluid) bohut thin hai lehaza woh jinsi tor per kamzor hai jiski wajah sey woh biwi ko satisfy nahi kar sakaiga aur dusra iss ka bachai bhi paeda nahi hongai. Yeh ek aur ghalat baat hai ka agar mani (seminal fluid) thin hai to yeh jinsi kamzori ki alamat hai aur essai takhleeqi kamzori bhi zahir hoti hai. Yani agar mani (seminal fluid) thin hogi to essai bacha paeda na hoga. En dono baton ki koi haqeeqat nahi hai. Latest research sey en dono baton ki tardeed hoti hai. (Zakir:Mobeen) Usul to yeh hai ka mubashrat (Intercourse) kay doran jab insan ka inzal (ejaculation) hota hai to mard ka sperms fallopian tube mein pohonch kar hamal (pregnancy) ka sabab bantey hain. Magar baaz auqat mard kay inzal (ejaculation) kay baghair bhi aurat pregnant ho sakti hai. Iss ki sorat kuch youn hoti hai kay inzal (ejaculation) sey pehley penis sey ek khaas liquid kay 1 ya 2 qatrey (drops) kharij hotey hain. Baaz auqat iss liquid mein sperms bhi hotey hain. Chunachey insan jab mubashrat (Intercourse) kay doran inzal (ejaculation) nahi karta magar yeh qatrey (drops) nikal jatey hain jiski wajah sey baaz auqat inzal (ejaculation) kay baghair bhi aurat pregnant ho jati hai. Agarcha iss kay imkanat bohut hi kam hai. (Hyde) Mani Kay Hawaley Sey Mashhoor Ghalat Fehmiyan Mani Ek Qeemti Cheez Hai – Khoon Sey Bhi Qeemti? Neem Hakeemon ka khayal kay mutabiq mani (seminal fluid) johar-e-hayat aur ek bohut qeemti cheez hai. Famous formula hai kay 100 qatrey (drops) desi ghee ka to ek drop khoon ka aur 100 qatrey (drops) khoon kay to ek drop mani (seminal fluid) ka. Yani mani (seminal fluid) ka behna khoon kay behney sey bhi zyada qeemti hai. Mera ek naujawan client es khayal ki wajha sey pagal hogaya kyun ka iss ka khayal tha ka yeh ek bohut qeemti cheez hai. Ek bar yeh naujawan musht zani (masturbation) kar raha tha. Inzaal (ejaculation) ka kareeb esko khayal aya ka to ek bohut qeemti cheez hai to esna mani (seminal fluid) ko collect kara aur drink kargaya. Latest research sey sabit howa hai ka mani (seminal fluid) quwwat-e-hayat nahi aur na hi yeh khoon sey qeemti hai aur na hi iss ka khoorak kay sath direct koi ta’alluq hai. Agar hota to ghareebon kay bachey paeda hi nahi hotey. Mardana kamzori ki wajha sey enki biwiyan bhag jatin. Ek Indian doctor Kaiwal Dheer nai hisab kitab kar kay andaza lagaya hai ka agar mani (seminal fluid) waqai khoon sey qeemti hai to ek bar inzal (ejaculation) sey khoon ki ek bottle (500ml) nikal jati hai. Bohut sey logon nai kabhi na kabhi din mein 2 bar musht zani (masturbation) zaror kari hogi. Iss surat mein 2 bottles khoon ki nikalnay kay baad woh zinda kaisay rahey. Mera woh client jo din mein 15 bar tak kar leta tha isey to kisi bhi surat zinda nahi hona chahiya jab kay woh na sirf zinda hai bul kay healthy hai aur bachey paeda kar raha hai. Darasal mani (seminal fluid) thook sey ziyda qeemti nahi aur iss ka banney mein jism ki etni hi taqat sarf hoti hai jitni thook bananey mein. (Dastoor:Zakir:Mobeen) Seminal Fluid And Male Potency? Mani (seminal fluid) Ek Taqat Hai? Pichley dino ek khubsurat 6 feet ka healthy naujawan merey paas elaj ka liye aya. Iss ney mujhey bataya kay uss ki mother uski shadi karna chahti hai, magar woh inkari hai. Ussey yaqeen tha kay woh shadi kay qabil nahi kyun kay uss ney musht zani (masturbation) kay zariyay apni mardana quwwat zaya kardi. Woh pichley 14 years sey musht zani (masturbation) kar raha hai aur koshish kay bawajood esko rok nahi saka. Research sey yeh bat sabit ho chuki hai ka mani (seminal fluid) koi energy nahi aur na hi iss ka mardana quwwat (male potency) kay sath koi ta’alluq hai. Ju’nhi iss naujawan ko iss haqeeqat ka ilm howa to uss ki khushi aur itmenan dekha na jata tha. Uss ney hansi khushi shadi kay liye haan kardi. (Dastoor:Zakir:Mobeen:Kaiwal Dheer) Thick Mani Sey Zyada Jinsi Surur Aata hai? Aksar logon ka khayal hai kay orgasm kay liye mani (seminal fluid) ka shehed (honey) ki tarhan thick hona zarori hai. Iss ki bhi koi haqeeqat nahi orgasm ka liye mani (seminal fluid) ka sirf kharij hona zarori hai. Baaz auqat insan inzal (ejaculation) kay baghair bhi orgasm hasil kar leta hai aur kabhi aisa bhi hota hai kay insan thick mani (seminal fluid) kharij karta hai magar orgasm sey mehroom rehta hai. Yeh sab kuch normal hai. (Dastoor:Zakir:Mobeen) Mani Ahista Nikley To Bacha Paeda Na Hoga? Aam khayal hai kay inzal (ejaculation) kay waqt mani (seminal fluid) ko force kay sath nikalna chahiye warna bacha paeda na hoga. Yeh khayal bhi 100% ghalat hai. Mani (seminal fluid) ko agar spoon ki madad sey bhi vagina mein dal diya jai to bhi bacha paeda hojaiga. Iss silsiley mein American researchers Master and Johnson ney research ki hai kay inzaal (ejaculation) ka waqt ek naujawan ki mani (seminal fluid) 1feet sey 2feet ja girti hai jab kay 40 years kay baad 6 inch ta 1feet door ja girti hai. Research sey yeh baat bhi sabit ho chuki hai kay mani (seminal fluid) door girey ya nazdeek iss ka mardana quwwat aur bachey ki paedaesh sey koi ta’alluq nahi. Seminal Fluid Quality – Mani Ki Quality Musht zani (masturbation) kay baad sab sey zyada ghalat batain mani (seminal fluid) ka barai mein mashoor hain. Aksar naujawan mani ki quality (seminal fluid quality) kay hawaley sey pareshan hotey hain kay yeh patli hai ya garhi, thori hai yeh zyada, taqat sey nikalti hai yeh baghair taqat ka. Neem hakeem isey bhi khoob exploit kartain hain. Function Of Seminal Fluid – Mani Ka Function Mani (seminal fluid) 3 jagha banta hai: 1. Testis 2. Prostate Glands 3. Seminal Vesicles Inn teeno jagha sey nikal kar peeshab ki nali mein jama hojata hai. Testis mein 2 types ka cells hotain hain. Aik kisim jinsi hormones testosterone paeda kartey hain jinka ta’alluq sexual drives aur mardana potency yani tanau (erection) ka sath hai. Yani es hormone ki wajha sey shawat aur penis mein tanau (erection) paeda hoti hai. Doosrey cell sperms paeda kartey hain jo bachai paeda karna ka sabab bantai hain. Insan jab aik bar ejaculate kar daita hai to kharij hona wali mani (seminal fluid) ki ta’adad 3.5ml hoti hai jismai 20 crore sey 1 million sperms hotey hain. Pregnancy ka liye 3 crore active sperms ki zarorat hai magar es surat mein usually larki paeda hoti hai. Agar sperms zyada hongai to larka paeda hona ka chances mein ezafa hojata hai. Sperm ka jinsi quwwat ka sath koi ta’alluq nahi. Agar sperms bilkul khatam bhi hojain to bhi insan ki mardana quwwat per koi asar nahi parta aur woh jinsi amal ka liye bilkul fit hota hai. Essi liye baaz afrat jinsi lihaz sey bohut mazboot aur active hotey hain magar woh bacha paeda nahi kar saktey hain. (Kothari:Shettle) Infiraadi ikhtilafaat ki wajha sey mani (seminal fluid) ki quality mein farq hota hai. Jiska mardana quwwat (potency) kay sath koi ta’alluq nahi. Mani (seminal fluid) ka siwaey bachey paeda karney kay aur koi function nahi isliye iski quality ki bhi koi ahmiyat nahi. Mani (seminal fluid) sperms kay ikhraj kay liye ek carrier hai yani iss ka zariyey sperms bahir aatey hain. Iss kay elawa mani (seminal fluid) mein protien aur sugar waghaira ki sorat mein sperms kay liye khoorak hoti hai. Lehaza mani (seminal fluid) ki quality ka hawaley sey hargiz pareshan honay ki zarorat nahi hai. Mani (seminal fluid) urine aur stool ki tarhan napak nahi. Kuch ulma esko bilkul napak samajhtey hain aur baaz issey khafeef napak samajhtey hain. Lehaza dry mani (seminal fluid) ko ragarna hi kafi hai. Hazrat Ayesha Hazrat Muhammad (P.B.U.H) ki dry mani (seminal fluid) ko ragar kar saf kardiya karti theen aur wash nahi karti thee albatta geeli mani (seminal fluid) ko dhoya karti thee aur Hazrat Muhammad (P.B.U.H) unhi geeley kapron mein namaz kay liye masjid jaya kartey thai. Hazrat Ayesha farmati hain ka “Mein Hazrat Muhammad(P.B.U.H) ka kapray sey mani (seminal fluid) ko mul deti phir Hazrat Muhammad(P.B.U.H) iss mein namaz parhtey”. (Muslim) Aik dusri hadees mein ap farmati hain ka “Hazrat Muhammad(P.B.U.H) ka kapra sey mani ko mein dhoti phir Hazrat Muhammad(P.B.U.H) namaz ka liye tashreef laijatai aur dhona ka neshan usmai hota”. (Bukhari,Muslim) Es silsila mein aik ahem masla yeh hai ka agar mani (seminal fluid) lutf ka sath yeh phir puri tarhan baghair lutf sey nikal jai to insan per ghussal farz hojata hai. Different Size Of Testicles – Khusyon Ka Size Khusyon (Testicles) Ka Size: Baaz naujawan apney Khusyon ki jisamat kay hawaley sey fikar mand hotey hain. Aam tor per tasawwur kiya jata hai ka chotey size kay Khusyon wala insan jinsi tor per kamzor hota hai. Essi tarhan scrotum agar tani honay ka bajai dheli dhali aur latki hui ho ya bhi jinsi kamzori ki alamat samjhi jati hai. Jabka haqeeqat yeh hai ka testicles ka size yeh theli ki jild ki lachak ka jinsi quwwat kay sath koi ta’alluq nahi. Khusyon (Testicles) Ki Golion Ka Ooper Neechey Hona: Kuch naujawan isliye bhi pareshan hotey hain ka enka testis ki golian kabhi ooper chali jatin hain aur kabhi neechey. Es hawaley sey pareshan hona ki zarorat nahi kyun ka yeh kisi kharabi ki alamat nahi bul kay aik normal physiological process hai. Darasal Sperms testis mein paeda hotey hain. Enka zinda rahna ka liye zarori hai ka testis ka temperature jism sey kuch kam ho. Kyun ka agar testis ka temperature jism ka temperature ka baraber hojaiga to sperm marjaingai aur insan yeh to aulad paeda na kar sakaiga aur agar aulad hogi bhi to yeh zyada tar larkian hongi. Fitrat nai es silsilai mein aisa nizam banaya hai ka sardion mein yeh golian ooper jism ka kareeb chali jatin hain taqai required temperature barqarar rahey kyun ka zyada thandhak bhi sperms ka liye nuqsan deh hai aur garmion mein yeh golian jism sey door neechey chali jati hain taqai enka temperature jism ka temperature sey kam rahey aur sperms ko koi nuqsan na pohnchey. Yad rahey kay hiddat (heat) sperms ki dushman hai. Isliye garam jagahoon per kam karna walai log maslan truck driver aur bakery mein kam karna walai logo ki garmi ki wajha sey sperms ki ta’adad kam hojati hai aur enki aksar batiyan paeda hoti hai. Essi tarhan computer per zyada kam karna walai logon ki bhi batiyan zyada hoti hain. Es liye nojawano ko chahiya ka woh apna testis ko thanda rakhai. Garmion mein tight kaprey special tight underwear na pahnai aur jab bhi bathroom jain apna testis ka ooper 2 to 3 mins thanda pani dal lain. (Shettles) Golion ka ooper neechey jana koi kharabi nahi bul kay enka healthy function ka liye zarori hai. Es tarhan aik goli kuch bari hoti hai aur dusri kuch choti, yeh bhi koi defect nahi. Es sey pahla yeh bhi bataya ja chuka hai ka usually 85% left goli thora neechey hoti hai yeh bhi bilkul aik normal cheez hai. (Mobeen:Hyde) Kya Apni Marzi Sey Tanau Paeda Kya Ja Sakta Hai…? Ba’az naujawanon ka khayal hai kay jis tarah fard apni marzi sey jab chahey apni ungli ya bazu ko khara krsakta isi tarah woh apni marzi sey jab bhi chahey apney zakar ko akrra sakta hai. Magar jab woh aisa nahin kar pata to pareshan ho jata hai aur apney aap ko jinsi tor per kamzor aur na mard khayal karta hai. Yeh baat zehen mein rakhein kay tanau ka ta’alluq fard kay dimagh aur jism kay sath hai aur yeh tanau apni marzi, khwahish aur hukum (order) sey paeda nahin kya ja sakta yani koi fard humesha apni marzi sey tanau paeda nahin karsakta. Isi liye mahireen kehtey hain kay apni marzi sey har cheez hasil ki jasakti hai siwaey tanau kay. Darasal yeh bhook ki tarah ka ek uzwiati (physiological) amal (process) hai jis tarah koi fard apni marzi sey bhook paeda nahin kar sakta isi tarah Tanau (erection) bhi apni marzi sey paeda nahin kya ja sakta. jis tarah bhook paeda honay kay liye munasib uzwiati aur maholi (environmental) halaat (circumstances) zaroori hain, isi tarah tanau (erection) paeda karney kay liye bhi munasib uzwiati aur maholi muhij (stimulus) ka hona zaroori hai. Fard sirf uss waqt bhook mehsoos karta hai jab khana khaey kuch waqt guzar gaya ho. Iss kay elawa mahol aur khana kitna hi acha aur lazeez ho yeh awamil bhi bhook per asar andaz hotey hain. Isi tarah zakar (penis) mein tanau (erection) jab hoga jab fard jins (sex) kay hawaley sey sochey ga, parhey ga, dekhey ga, suney ga ya lums mehsoos karey ga waghaera. Yeh cheezein tanau (erection) kay liye muheej hain. Kyun kay kisi bhi fard ko apney tanau (erection) per control nahin. Isliye ba’az auqaat fard ko kisi namunasib jagah maslan class room ya ghar mein maan baap kay samney tanau ho jata hai. Jisey woh shaoori tor per khatam nahin kar sakta aur sharminda hota hai. Yani tanau per fard ko shaoori control nahin. Iss tarah naujawan apney tanau ko check karney kay liye kisi paeshawar aurat kay paas jatey hain, magar wahan kkoshish kay bawajood unn ko tanau nahin hota aur phir unn ko yaqeen aa jata hai kay woh biwi kay qabil nahin. Guzishta dinon merey paas ek naujawan larka elaj kay liye aya. Isey yaqeen tha kay woh na mard hai jab uss ka nafsiyati tajziya kya gaya to ma’aloom hua kay uss ko kaee baar zina ka moqa mila. Uss ney koshish bhi ki magar ehsas-e-gunah aur khauf ki wajah sey usey tanau hi na hua. Kya Penis k Tanau Mein Pehley Sey Kami (Less Erection) Jinsi Kamzori Ki Alamat…? Erection Problems Solutions Kuch afraad jab unn ki umer 30 saal sey zyada ho jati hai to woh apney jinsi jazbaat ki shiddat mein kuch kami aur zakar kay tanau ki taaqat (strength) mein 17/18 saal ki umer ki nisbat qadrey kami mehsoos kartey hain, jo agarcha bohut ma’amooli hoti hai magar yeh afraad pareshan ho jatey hain. Jinsi jazbaat ki shiddat aur zakar ka tanau aur akrrao (hardness) 15 aur 20 saal ki umer kay doran bohut zyada hota hai. Neem hakeem iss ma’amooli kami ka ba’es mushtzani ya kasrat-e-jama’a (frequent intercourse) ko qarar detey hain. Yeh kaifiyat aur ma’amooli kami pareshani ka sabab nahin honi chahiyie kyun kay umer kay barhney kay sath sath jism kay har uzu ki taqat mein kami aa jati hai. Yeh cheez khel kay maedan mein bohut numaya’n hai. Aksar khelon kay numaya’n khilarri 20/25 saal ki umer kay lug bhug hotey hain. Magar 25 saal kay ba’ad inn ki karkardagi (strength) pehley ki tarah nahin rehti. International khelon mein 30 saal sey zyada umer ka khilarri shazz hi hota hai. Yani 30 saal ki umer mein fard jismani tor per 20 saal ki umer ki tarah mu’asser (efficient) nahin hota. Agarcha iss ki karkardagi bilkul khatam nahin ho jati. Zakar kay sath bhi yehi mu’amla hai. Yani umer kay barhney kay sath doosrey jismani a’aza ki tarah jinsi jazbaat ki shiddat aur zakar kay tanau aur sakhti mein qadrey kami aa jati hai. Yeh ek fitri amal hai jis sey pareshan honay ki zaroorat nahin. (zakar ki sakhti mein kami kay bawajood agar fard ki amoomi sehat theek hai to woh martey dum tk mubashrat kay qabil hota hai, agarcha 60 saal kay ba’ad ba’az logon ko shakhsi (self) ya biwi ki taraf sey ishte’aal (stimulation) ki zaroorat parrti hai). kya Kamyaab Jinsi Amal Kay Liye Penis Ka Bohut Sakht Hona Zaroori Hai…? Aksar naujawanon ka khayal hai kay biwi ki jinsi tasalli (sexual satisfaction) kay liye zakar ka bohut sakht hona zaroori hai. Allah Ta’ala ney zakar bohut hi narm o nazuk faraj mein dakhil honay kay liye banaya hai na kay deewar mein soorakh karney kay liye. Ta’hum 17 ta 19 saal ki umer mein fard ka zakar tanau mein bohut sakht (hard) hota hai. Iss umer mein isey jins e mukhalif kay liye istaemal nahin kya jata, chunancha adam istaemaal aur umer kay barhney kay sath sath iss ki sakhti mein qadrey kami aa jati hai jo kay ek bilkul normal amal hai. Aurat ki jinsi taskeen kay liye zakar kay sakht akrrao (hardness) ki hargiz zaroorat nahin. Hyte report sey bhi yehi sabit hua kay aurton ki aksaryat bohut sakht zakar aur zordaar jhatkon aur zarbaat (strokes) ko pasand nahin karti. Zakar ko kisi qadar sakht hona chahiyie, ta’hum iss ka koi paemana nahin. Iss ka ek hi meyar hai kay faraj mein daakhil ho jaey. Tanau Kay Waqt Penis Mein Dard (Painful Erection) Ba’az naujawan zakar mein tanau kay waqt dard mehsoos kartey hain iss ki wajoohaat mein zyada aam wajah maqami chot, ulcer, peeshab ki nali ya prostate gland mein sozish hai. Iss kay elawa zakar ka bohut zyada terha pan Peyroie’s Disease hai. Iss surat mein kisi achey urologist sey raabta karein. Penis Ki Kamzori k Barey mai Doosrey Mugaltey Zakar Per Massey Kisi bhi sehatmand insaan kay jism kay kisi bhi hissey per massey nikal saktey hain. Aam haalaat mein hum iss kaifiyat sey pareshan nahin hotey khwah yeh massey chehrey per hi kyun na hun. Isi tarah zakar per masson ka namoodaar hona bhi aam si baat hai na kay koi beemari. Yeh massey jinsi salahiyat (mardana quwwat) ya jinsi amal per kisi tarah sey asarandaz nahin hotey, lekin la ilmi ki wajah sey aam naujawan inn masson per pareshan ho jatey hain. Yeh massey aasani sey nikaley ja saktey hain aur agar na bhi nikaley jaei’n to bhi koi harj nahin. Zakar Per Sakht Gatthey Parr Jana Amooman adherh umer kay ba’az logon kay zakar mein sakht qism kay gatthey ya gaanthein ban jati hain, yeh ek beemari hai jis ka pehli baar zikr ek French surgeon ney kya. Inn ki wajah sey zakar ka tanau muta’assir hota hai. Jab thori bohut erection hoti hai to fard ko nehayat takleef hoti hai jis ki wajah sey fard mubashrat nahin kar sakta kyun kay usey shadeed jismani aur zehni koft hoti hai. Abhi tak iska koi mu’asser elaj daryaft nahin hua lekin yeh beemari bohut hi ka mhai. Fori Tanau – Instant Erection Aksar afraad ka khayal hai kay fard ko bijli kay bulb ki tarah fori tanau hona chahiyie. Jab aisa nahin hota to isey jinsi kamzori samajhtey hain aur pareshan ho jatey hain. Naujawanon ka tanau 20 saal ki umer tal fori hota hai magar phir umer kay barhney kay sath batadreej kam hota jata hai yani shuru mein tanau fori hota hai 40 saal ki umer kay ba’ad qadrey takheer sey hota hai. 60 saal ki umer kay ba’ad zara der sey hota hai. Yeh bhi hosakta hai kay iss umer mein tanau kay liye biwi kay chuney aur sehlaney ki zaroorat parey. Yeh sab kuch normal amal (function) hai. Taza tareen research sey ma’aloom hua hai kay 20 saal ki umer mein fard ko fori tanau hota hai. 50 saal kay ba’ad jawani sey do guna aur 70 saal kay ba’ad teen guna waqt darkaar hota hai. Yeh sab kuch normal hai na kay koi beemari. Zakar Kay Tanau Ka Meyaar Ba’az auqaat kuch afraad iss wajah sey pareshan ho jatey hain kay shayad unn kay zakar ka tanau kafi nahin aur shayad woh mubaashirat kay qabil nahin. Hala’n kay unn kay paas tanau mapney aur janchney ka koi paemana aur meyar nahin. Yeh sirf unn ka khayal hota hai kay unn ka tanau kafi nahin. Tanau ka ek hi meyar hai agar mian mubashrat kay waqt apney zakar ko biwi ki faraj mein dakhil kardey to uss ka tanau bilkul normal hai. Ta’hum ek baat yaad rahey kay insaani zakar kisi sakht cheez ya haddi ka bana hua nahin hai bul kay yeh narm gosht ka bana hua hai jo kay khoon ki naliyon mein zyada khoon janey sey tunn jata hai aur sakht ho jata hai. Tanau ki surat mein zakar kay bohut zyada sakht honay ki tawaqqa nahin ki ja sakti. Yeh ek bilkul normal kaifiyat hai. Penis Kay Ooper Ubhri Rugein Mardana Jinsi Kamzori Ka Sabab Nahin Bantiin Fard kay zakar mein tanau tab paeda hota hai jab uski khoon ki naliyan khulti hain aur zyada miqdar mein khoon inn naliyon mein dorta hai aur doosri taraf nisbatan kam khoon baher nikalta hai iss wajah sey khoon ki yeh naliyan numayan ho jati hain aur phool jati hain. Yeh naliyan jitni zyada khulein gi itna hi zyada khoon inn mein daakhil ho ga aur nateejatan tanau itna hi zyada aur jald hoga. Yeh ek bilkul normal aur mufeed kaifiyat hai. Neem hakeemon ki wajah sey naujawanon ki aksaryat isey bhi khatarnaak beemari aur kharabi samajhti hai. Iss ki bari wajah musht zani bataee jati hai jab kay iss ki koi haqeeqat nahin kyun kay woh afraad jinhoney kabhi musht zani nahin kii unn kay zakar ki naliyan bhi ubhri hoti hain. Darasal jism kay har hissey mein jild kay neechey khoon ki naliyan (veins) hoti hain. Jism kay jin hisson mein charbi hoti hai wahan yeh saaf nazar nahin aatiin jaisey bazu waghaera magar jahan charbi nahi hoti wahan yeh saaf nazar aati hain. Zakar kay elawa hath ki pusht per bhi yeh naliyan amooman saaf nazar aati hain. Ba’az logon ki yeh naliyan zyada numayan hoti hain aur ba’az ki kam. Jin kay hathon ki naliyan zyada numayan hoti hain kya unn kay hath zyada kamzor hotey hain. Woh aurtein jin kay hath gudaaz hotey hain unn kay hath ki naliyan nazar nahin aatiin to kya unn kay hath mardon kay hathon sey zyada taqatwer hotey hain. Zahir hai kay aisa nahin. Lehaza zakar ki naliyon ka nazar aana bhi koi beemari nahi aur na hi koi fard iss sey jinsi tor per kamzor hota hai. Albatta khusya dani (scrotum) ki naliyan agar bohut zyada numayan hon to yeh ek beemari Varicose hai jis sey kuch logon ko banjhpan (infertility) ho sakta hai magar lazmi nahin. Iss surat mein kisi achey urologist sey mashwara kiya jaey. Penis Ka Ek Taraf Jhuka Hona Kamzori Ki Alamat…? Aksar naujawanon ka khayal hota hai kay zakar ko pencil ki tarah seedha hona chahiyie na kay da’ein, ba’ein, ooper ya neechey ko jhuka hua. Akrra hua zakar da’ein taraf ko terha hota hai ya ba’ein taraf ko. Kisi ka ooper aur kisi ka neechey jhuka hota hai. Bohut hi kam logon ka akrra zakar bilkul seedha hota hai. Aisa hona bhi mushkil hai kyun kay zakar haddi ya kisi sakht cheez ka bana hua nahin hota (agarcha ba’az janwaron kay zakar mein haddi hoti hai) bulk ay narm gosht ka bana hota hai. Jab iss mein zyada khoon jata hai aur doosri taraf kam khoon nikalta hai to yeh akarr jata hai aur phir yeh kisi na kisi taraf murr jata hai. Amooman 85% logon ka zakar baei’n taraf ko terha hota hai, isi tarah amomman fard ka baya’n khusya (testicle) daei’n sey kuch neechey hota hai. Amooman 1 cm. Fard kay zakar ka taerha pan koi beemari nahin, yeh ek bilkul normal, fitri amar hai. Iss wajah sey dakhool (penetration) mein koi diqqat nahin hoti. Jab kay neem hakeem isey khatarnaak beemari samajhtey hain, jis ki wajah mushtzani (masturbation) ko qarar detey hain. Agar aap apni ungliyon ko akrra kar dekhein to woh bhi pencil ki tarah seedhi nahin hala’n kay innkay ander haddiyan hoti hain. Lehaza iss hawaley sey pareshan honay ki zaroorat hai aur na hi elaj ki. Albatta agar zakar bohut terha (45 ka zawiya) ho to yeh ek beemari hai. ‘Peyronie’s’ hai ta’hum iski wajah bhi musht zani nahin. Yeh beemari amooman darmiyani umr kay mardon ko hoti hai. Ba’az auqaat yeh beemari achanak ho jati hai. Yani fard jab raat ko soya to woh bilkul theek tha magar jab subah jaga to zakar terha ho gaya. Iss surat mein zakar jar sey sakht aur ooper top per narm hota hai. Iss ka elaj amooman vitamin E sey kya jata hai. Aksar yeh elaj kay baghaer 6 maah tae k saal mein khud hi theek ho jata hai. Isliye elaj kay liye jaldi karney ki zaroorat nahin. Ta’hum behter yeh hai kay kisi acheydoctor sey mashwara kar lein. Agar zakar thorey sey kuch zyada terha hai magar beemari nahin to yeh khush bakhti hai kyun kay iss surat mein ya to faraj (vagina) ki sides ko rugrrey ga jo zyada hassas hoti hain aur aurat ko zyada lutf aaey ga ya phir G spot ko jo kay aurat ka doosra hassas tareen jinsi maqam hai jis ko rugerrney sey taqreeban 50% aurtein pani kharij karti hain. Ek homeo doctor ney apni kitab mein likha kay zakar ka terha pan khatarnaak beemari hai jis ki wajah musht zani hai aur iss kay elaj ki zaroorat hai. Meine inn ko khat likha “doctor sahib aap apni shalwar utarein aur eeman dari sey dekhein kay kya aap ka zakar bilkul seedha hai” abhi taki jawab nahin aaya. Jarr Sey Patla Penis Kamzori Ki Alamat…? Majeed ek naujawan client tha. 24 sala majeed ki haal hi mein shadi honay wali thi woh sakht fikrmand tha kyun kay uska zakar jarr sey patla tha. Uska khayal tha kay yeh mardana kamzori ki alamat hai, amooman aksar afraad ka zakar jarr sey patla aur ooper sey mota hota hai. Naujawan isey kamzori samajhtey hain neem hakeem iski wajah musht zani (masturbation) qarar detey hain hala’n kay yeh ek normal jismani haqeeqat hai na kay koi kharabi, lehaza pareshan honay ki zaroorat nahin. Darasal zakar ek ghubbarey ki tarah hai jo pubic bone kay sath jurra (fix) hota hai. Jab iski naliyon mein khoon daurta hai to yeh akarr jata hai magar chu’n kay neechey waley hissey mein zyada khoon nahin hota jis ki wajah sey nichla hissa kuch patla jab kay ooper wala hissa nisbatan zyada phool jata hai. Iss tarah ba’az afraad ka zakar darmiyan mein sey qadrey patla hota hai yeh bhi koi beemari nahin na hi iska elaj karaney ki zaroorat hai. Iski wajah yeh hoti hai kay ba’az afraad kay zakar ki naliyan darmiyan mein kuch patli hoti hain jis ki wajah sey wahan zyada khoon nahin jata aur wahan sey zakar kuch patla reh jata hai magar inn logon ko mukammal tana’u hota hai. (mubeen) Baloghat mein har naujawan kay zer e naaf baal ugg aatey hain jo kay baloghat ki nishani hai. Islam mein inn baalo’n ko har 15 din ba’ad saaf karney ka hukum hai. Ba’az logon ka khayal hai kay safaee kay elawa iss sey mardana quwwat mein bhi izafa hota hai. Ba’az auqaat zakar kay neechey waley hissey yani jarr per bhi baal ugg aatey hain. Iss surat mein bhi pareshan honay ki zaroorat nahin kyun kay yeh koi kharabi ya beemari nahin. Iss tarah mardon ki chaati per bhi baal hotey hain, kisi kay zyada, kisi kay kam aur kisi kay nahin bhi hotey. Yeh sab kuch normal hai albatta agar kisi fard kay chehrey aur zer e naaf baal na aaein to kisi achey doctor sey mashwara karein magar iska bhi fard ki mardana quwwat kay sath koi ta’alluq nahin. (mubeen) Penis Ka Mota Hona Zaroori Nahin Zakar ki lambaee kay elawa bohut sey naujawan uski motaee kay hawaley sey bhi ghalat fehmi ka shikar aur pareshan hain. Inn ka khayal hai kay aurat kay bharpor jinsi lutf kay liye zakar ka mota hona zaroori hai. Iss mein bhi koi haqeeqat nahin. Zakar ki lambaee ki tarah zakar ki motaee bhi mukhtalif logon ki mukhtalif hoti hai. Faraj (vagina) darasal khali tube ya syringe ki tarah koi khula rasta nahin hai bul kay yeh ek bund gali hai jis ki donon deewarein aapas mein mili hoti hain. Jinsi haejaan mein faraj ka baerooni 2/3 hissa phool kar faraj kay mu’nh ko mazeed tung kar deta hai, iss soorat mein agar faraj kay ander suii bhi dakhil I jaey to aurat ko iss ka poora ehsaas ho ga. Lehaza kamyaab aur khushgawar mubaashirat kay liye zakar ki motaee ki koi khas ahmiyat nahin. Agarcha ba’az khawateen motey zakar ko pasand karti hain ta’hum patley sey patla zakar bhi aurat ko bharpoor jinsi lutf sey humkinar kar dey ga. Waisey zakar ki amoomi motaee 4 inch ta 4.5 inch hoti hai. Penis Kay Size Sey Aulad Paeda Honay Ka Taalluq Chotey Zakar Sey Aulaad Paeda Nahin Hoti…? Merey clinic mein ek naujawan client aaya jo kay bohut fikrmand aur pareshan tha. Jis ki haal hi mein shadi hui thi woh pareshan iss liye tha kay uska zakar bohut chota tha. Uska khayal tha kay chotey zakar sey aulad paeda nahin hoti. Yeh ek bilkul ghalat tasawwur hai kay aulad ki paeda’esh kay liye lamba zakar hona zaroori hai. Mani (semen) ko agar chamach mein daal kar faraj (vagina) kay ander daal diya jaey to bhi bacha paeda ho jaey ga. Iss tarah chotey sey chota zakar bhi bachey ki paeda’esh mein koi rukawat nahin. Doosrey alfaz mein zakar kay size ka aulad ki paeda’esh kay sath koi ta’alluq nahin. (kothari) How to Increasing Penis Size – Small Size penis in Hindi Kya Zakar Ko Masnooee Tariqey Sey Lamba Kya Ja Sakta Hai? Zakar ko lamba karney ki bohut si koshishein hui hain magar kaamyaabi nahin ho saki. Ba’az auqaat jarr kay ird gird ka gosht kaat diya jata hai jis sey is ski lambaee mein ma’amooli sa farq parr jata hai. Yeh bhi ek dhoka hai kyun kay asal zakar ki lambaee mein to koi izafa nahin hota. Ba’az log vacuum waghaera sey zakar ko lamba karney ka da’awa kartey hain iss ki madad sey 5 % tak ka izafa ho sakta hai jo kay na honay kay baraber hoga. Iss tarah ba’az ishteharo’n mein organ developer ka zikr hota hao iss ki bhi koi haqeeqat nahin, qissa mukhtasir yeh kay zakar ki lambaee mein izafa nahin kya ja sakta aur na hi iss ki zaroorat hai. (Reuben) Sukrra Hua Bohut Chota Zakar Ba’az afraad ka narm zakar (penis) bohut hi chota hota hai lekin tanau (erection) mein ek ma’aqool hudd tak lamba ho jata hai. Ba’az naujawan iss fitri soorat e haal sey bhi bohut pareshan ho jatey hain. Zakar (penis) darasal radio kay antenna ki tarah hai, jisey zaroorat kay waqt lamba kya ja sakta hai. Zaroorat na ho to chota ho jata hai ta’kay yeh fard kay chalney phirney ki activities mein rukawat na baney. Lehaza yeh koi masla nahin. Dilchasp baat yeh hai kay agar sukrra hua zakar zyada chota hai to tanau mein woh nisbatan zyada lamba ho jata hai aur sukrra hua lamba zakar tanau mein kam lamba hota hai. Maslan ek fard ka sukrra hua zakar 2 inch ka hai to tunn kar woh 4 inch ka ho jaey ga doosri taraf 3 inch ka sukrra hua zakar tanau mein 4.5 inch ka hoga. Relationship Between Sex Satisfaction And Size Of Penis Jinsi Lutf Aur Aurat Ki Tasalli Kay Liye Lamba Zakar Zaroori Nahin Yeh khayal bhi aam hai kay bharpoor jinsi lutf, khushgawar azdawaji zindagi aur biwi ko mutma’en karney kay liye lambey zakar (penis) ki zaroorat hai. Haqeeqat yeh hai zyada jinsi lutf aur biwi ki tasalli ka zakar ki lambaee kay sath koi ta’alluq nahin, kya lambi naak sey insaan ko zyada khushbuu aati hai ya kya barri aankhon sey zyada nazar aata hai. Aurat ko gosht nahin bul kay ek mohabbat karney waley insaan ki zaroorat hai. Waisey mubashrat mein zakar ki lambaee kay bajaey uski sakhti zyada ahem hai aur chota zakar nisbatan zyada sakht hota hai. Yani iss mein zyada tanau (erection) hota hai. Mazeed aurat ki faraj ka size 3 ta 4 inch hota hai aur faraj ka sirf baerooni 1/3 hissa yani pehla 1 ta 1.5 inch hissa hi zyada hassas hota hai. Iss ka peechey wala hissa zyada hassas nahin hota. Hassas hissey tak 3 inch ka zakar bohu aasani sey pohonch jata hai. Mahireen ka khayal hai kay agar mard kay zakar ki lambaee 2 inch sey kuch zyada ho to yeh aurat ki faraj kay hassas hissey tak aasani sey pohonch jata hai jis sey aurat bharpoor lutfandoz hoti hai. (Kothari) Kya Aurtein Lamba Zakar Pasand Karti Hain? Aam mardon ka khayal hai kay bara zakar behter hai kyun kay aurtein lamba zakar pasand karti hain, jab kay aurtein zakar kay size kay hawaley sey kam hi sochti hain. Bohut kam aurtein lambey zakar ko pasand karti hain. Hite ki research kay mutabiq aksar aurtein chotey zakar ko pasand karti hain. Ek aur research sey ma’aloom hua kay aurton ko ausat (average) size ka zakar pasand tha. Bohut lamba zakar kisi bhi aurat ko pasand na tha kyun kay bohut lamba zakar bacha dani kay mu’nh per zarb lagata hai jis sey aurat ko takleef hoti hai. Isi liye bohut lambey zakar waley afraad nakhush hain, kyun kay unn kay lambey zakar ko dekhtey hi aurton ney mubashrat sey inkar kardiya, isliye unn ki khwahish thi kay kaash unn ka zakar chota hota. (Hite) Sexual Misconceptions About Penis Size Zakar Ka Size (Size of penis) Ek walid apney naujawan betey ko ley kat merrey paas aya, baap ney bataya kay iss kay betey ko koi masla hai. Naujawan bohut khaufzada aur ghabraya hua lag raha tha. Meine walid ko kamrey sey janey ko kaha ta’kay mein bachey sey khul kar baat kar saku’n. Ju’nhi walid kamrey sey baher nikla, betey ney foran apni shalwar khol di aur bataya kay uska zakar bohut chota hai, jiski wajah sey woh apni biwi ko mutma’en nahin kar sakey ga. Uski jald shadi honay wali thi. Mardon mein zakar kay hawaley sey bohut sey khadshaat aur ghalat fehmiyan (misconceptions) paee jati hain. Aksar mard apney zakar ki shakal, size, saakht aur motaee kay hawaley sey bohut hassas (concious) hain. Sab sey pehley lambaee ko letey hain. Jis tarah saarey mard qadd kay lehaz sey baraber nahin yani unn kay qadd mein farq aur ikhtilaf hai, isi tarah unn kay zakar ka size ek jaisa nahin. Kisi ka zakar bara aur kisi ka chota. Zakar ki lambaee ka fard kay qadd kaath kay sath koi ta’alluq nahin. Iss silsiley mein America mein ek survey hua to ma’aloom hua kay sab sey lamba zakar uss fard ka tha jis ka qadd ausat (average) sey kam tha. Mera ek client jiska qadd 6 feet sey zyada tha, kay zakar ka size aam logon sey kam tha. Bohut sey naujawanon ka khayal hota hai kay unn ka zakar lambaee mein chota hai jis ki wajah sey woh shaadi kay qabil nahin hotey. Aksar naujawanon ko apney zakar (penis) kay hawaley sey sirf ghalat fehmi (misconception) hoti hai kay woh chota hai hala’n kay woh chota nahin hota. Iss ghalat fehmi ki kaee wajoohaat hain. 1. Fard apney zakar ko ooper sey dekhta hai, jiski wajah sey sara zakar nazar nahi aata aur fard samajhta hai kay uss ka zakar chota hai. Mazeed agar fard ka paet kuch nikla hua ho to woh bilkul hi chota nazar aata hai. 2. Iss kay elawa naujawan fahash films kay hero kay zakar kay sath apney zakar (penis) ka mawazna kartey hain. Fahash films mein kaam karney kay liye aisey afraad ka intekhab kya jata hai jin ka zakar (penis) lamba ho maslan ek American actor ka zakar 18 inches lamba hai. Iss kay elawa camera trick ki madad sey aam zakar ko lamba kar kay dikhaya jata hai jis ki wajah sey iss actor ka zakar muqablatan bohut lamba nazar aata hai. 3. Ba’az naujawan apney sukrrey juey bohut chotey zakar sey apney asal zakar kay size ka andaza lagatey hain jab kay ba’az logon ka sukrra hua zakar bohut chota ho jata hai jab kay akarr kar kafi lamba ho jata hai. Lehaza zakar ka asal size akrrahat wala hota hai. 4. Iss tarah ba’az naujawan apney doston kay barey zakar kay sath apna muqabla kartey hain agarcha inn ka zakar kuch chota hota hai magar unko kuch zyada hi chota mehsoos hota hai. Iss ghalat fehmi ko iss tarah duur kya jasakta hai. 1. Tanau (erection) honay per fard aaeyney kay samney khara ho kar side sey apney zakar ko dekhey to uss ki ghalat fehmi duur ho jaey gi. 2. Akrey huey zakar ki paemana sey aazma’esh kar li jaey to bhi ghalat fehmi duur ho jaey gi. Khushkhabri yeh hai kay aksar afraad ka zakar unn kay apney khayal sey bara hota hai. Agarcha zakar ki lambaee ka koi meyar nahin ta’hum ek survey kay mutabiq America mein 50% logon ka zakar 5 inch sey kam hota hai aur lambey sey lamb 13 inch ka. Magar wahan 4 inch ka akrra hua zakar normal mil jata hai. Pakistan mein 3 inch ka akrra (erected) hua zakar normal samjha jata hai. Qadd kaath ka zakar ki lambaee kay sath koi ta’alluq nahin. Albatta hathon kay size ka zakar kay size kay sath kuch ta’alluq hai. Amooman barey hathon waley afraad kay zakar lambey hotey hain. Mahireen ka khayal hai kay woh zakar jo faraj (vagina) mein dakhil ho jaey normal hai. (Hyde) Male Genitalia: Prostate Gland – Cowper Gland Mard kay masaney ki pichli taraf do naaliyan hoti hain jin ko mani (seminal fluid) ki thaeliyan (seminal vesicles) kaha jata hai, mani ka ek hissa inn naaliyon mein tayyar hota hai, yeh naaliyan har waqt kam karti rehti hain, jis ki wajah sey mani ki tayyari ka amal har waqt jari rehta hai. Yeh naaliyan amooman 3.5 din ba’ad bhar jati hain. Masaney kay mu’nh kay qareeb ek ghudood hota hai jisey prostate gland kaha jata hai iski shakal akhrot jisi hoti hai yeh sirf mardon mein hota hai, aurton mein nahin hota. Iss mein inzal kay waqt ek khas ratoobat nikalti hai jo mani mein shamil ho kar iska hissa ban jati hai. Prostate ki ratoobat mein sperms kay liye khoorak hoti hai. Prostate gland kay neechey peeshab ki nali kay qareeb ek aur gland hota hai jo cowper’s gland kehlata hai. Jinsi haejaan mein ya inzal sey pehley yeh gland shaffaf ratoobat kay ek do qatrey kharij kar deta hai. (Hyde) Male Genitalia: Testicles – Mardana Jinsi Aaza Male genitalia (Mardana jinsi aaza) mein doosra ahem uzu testicles (khusyey) hotey hain. Yeh do goliyon ki surat mein ek theli khusya dani (scrotum) kay ander zakar kay neechey latak rahey hotey hain. Inhein hath sey mehsoos kya ja sakta hai. Amooman baya’n khusya da’ein sey qadrey bara hota hai aur iss sey kuch neechey hota hai. Khusyon mein do tarah kay cell hotey hain. Ek qism jinsi hormone (testosterone) paeda karti hai jis sey fard mein jinsi khwahish (libido) aur zakar mein tanau paeda hota hai. Doosri qism sperms paeda karti hai jis sey bacha paeda hota hai. Paeda’esh sey pehley yeh khusyey bachey kay paet mein hotey hain, bachey ki paeda’esh sey thori der pehley yeh paet sey uter kar khusya dani mein aa jatey hain. Kabhi kabhar aisa bhi hota hai kay sirf ek hi khusya paet sey khusya dani mein aa jata hai doosra paet mein reh jata hai. Iss ko neechey laney kay liye operation ki zaroorat parti hai. Agar kisi wajah sey doosra khusya, khusya dani (scrotum) mein na aa sakey to bhi preshan honay ki zaroorat nahi kyun kay ek khusya bhi na sirf tamam jinsi af’aal kamyabi sey anjam dey sakta hai bul kay aulad bhi paeda kar sakta hai. Merey ek client ka sirf ek hi khusya th aur uski jinsi karkardagi munasib thi. Agar kisi wajah sey donon khusyey (testicles), khusya dani mein na utrein jo kay bohut hi kam hota hai to fard bachey to paeda na kar sakey ga, albatta mubashrat kar sakey ga. Iss liye walaedaen kay liye zaroori hai kay bachey paeda honay kay ba’ad bachey kay khusyon ko zaroor tatol kar check kar lein. Agar kisi wajah sey khusyey neechey na utrey hun to 2 saal ki umer tak bachey ka operation kara liye jaey ta’kay khusyey neechey uter aaein. Male Genitalia: Penis – Mardana Jinsi Aaza Mardana Jinsi A’aza (Male Genitalia) Mard kay jinsi a’aza (male genitalia) mein sab sey ahem uzu tanasul ya zakar (penis) hai. Yeh naaf kay neechey donon tango’n kay darmiyan latka hota hai aur aksar sukrra hua aur dheela dhaala sa hota hai iss kay ooper mazboot lekin bey hudd narm aur mula’em khaal hoti hai. Zakar ki androoni satah kisi sponge jaisi hoti hai jis mein lachakdaar raeshey aur khoon ki sharyanei’n hoti hain. Jab inn naaliyon mein khoon jata hai to iss mein tanau (erection) paeda ho jata hai. Zakar kay teen hissey hotey hain: 1. Iss ka agla hissa supari ya hashfa kehlata hai, jinsi tor per mard ka sab sey hassas hissa yehi hota hai 2. Darmiyani hissa jisey shaft kaha jata hai. 3. Aakhri jar wala hissa Zakar kay teen ahem function hain: 1. Iss kay zaryey peeshab kharij hota hai. 2. Mubashrat is ski madad sey ki jati hai. 3. Sperm mani kay zaryey peeshab ki nali sey kharij hotey hain. Male Genitalia: Testicles – Mardana Jinsi Aaza Male genitalia (Mardana jinsi aaza) mein doosra ahem uzu testicles (khusyey) hotey hain. Yeh do goliyon ki surat mein ek theli khusya dani (scrotum) kay ander zakar kay neechey latak rahey hotey hain. Inhein hath sey mehsoos kya ja sakta hai. Amooman baya’n khusya da’ein sey qadrey bara hota hai aur iss sey kuch neechey hota hai. Khusyon mein do tarah kay cell hotey hain. Ek qism jinsi hormone (testosterone) paeda karti hai jis sey fard mein jinsi khwahish (libido) aur zakar mein tanau paeda hota hai. Doosri qism sperms paeda karti hai jis sey bacha paeda hota hai. Paeda’esh sey pehley yeh khusyey bachey kay paet mein hotey hain, bachey ki paeda’esh sey thori der pehley yeh paet sey uter kar khusya dani mein aa jatey hain. Kabhi kabhar aisa bhi hota hai kay sirf ek hi khusya paet sey khusya dani mein aa jata hai doosra paet mein reh jata hai. Iss ko neechey laney kay liye operation ki zaroorat parti hai. Agar kisi wajah sey doosra khusya, khusya dani (scrotum) mein na aa sakey to bhi preshan honay ki zaroorat nahi kyun kay ek khusya bhi na sirf tamam jinsi af’aal kamyabi sey anjam dey sakta hai bul kay aulad bhi paeda kar sakta hai. Merey ek client ka sirf ek hi khusya th aur uski jinsi karkardagi munasib thi. Agar kisi wajah sey donon khusyey (testicles), khusya dani mein na utrein jo kay bohut hi kam hota hai to fard bachey to paeda na kar sakey ga, albatta mubashrat kar sakey ga. Iss liye walaedaen kay liye zaroori hai kay bachey paeda honay kay ba’ad bachey kay khusyon ko zaroor tatol kar check kar lein. Agar kisi wajah sey khusyey neechey na utrey hun to 2 saal ki umer tak bachey ka operation kara liye jaey ta’kay khusyey neechey uter aaein. Male Genitalia: Prostate Gland – Cowper Gland Mard kay masaney ki pichli taraf do naaliyan hoti hain jin ko mani (seminal fluid) ki thaeliyan (seminal vesicles) kaha jata hai, mani ka ek hissa inn naaliyon mein tayyar hota hai, yeh naaliyan har waqt kam karti rehti hain, jis ki wajah sey mani ki tayyari ka amal har waqt jari rehta hai. Yeh naaliyan amooman 3.5 din ba’ad bhar jati hain. Masaney kay mu’nh kay qareeb ek ghudood hota hai jisey prostate gland kaha jata hai iski shakal akhrot jisi hoti hai yeh sirf mardon mein hota hai, aurton mein nahin hota. Iss mein inzal kay waqt ek khas ratoobat nikalti hai jo mani mein shamil ho kar iska hissa ban jati hai. Prostate ki ratoobat mein sperms kay liye khoorak hoti hai. Prostate gland kay neechey peeshab ki nali kay qareeb ek aur gland hota hai jo cowper’s gland kehlata hai. Jinsi haejaan mein ya inzal sey pehley yeh gland shaffaf ratoobat kay ek do qatrey kharij kar deta hai. (Hyde) Zina Ka Hal – Solution Of Zina Nikah Is The Best Solution Of Zina Hazrat Abdullah bin Mas’ood sey marvi hai kay Rasool Allah ney farmaya “Aey naujawanon tum mein jo koi nikah ki isteta’at rakhta hai woh nikah karey kay yeh ajnabi aurat ki taraf nazar karney sey rokney wala hai aur sharam gaah ki hifazat karney wala hai aur jis mein nikah ki isteta’at nahi woh rozey rakhey kay roza qatae shahoot hai” (Bukhari, Muslim) Zina ki jin wajoohaat ka guzishta auraaq mein zikr hua hai unka tadaruk kya jaey. Bey hayaee, uryaani, bey pardagi, fahaashi aur makhloot majalis waghaera ka khatima kya jaey. Sports aur doosri masbat sargarmiyon ko farogh diya jaey. Doosri Soorat Mard ka mard kay sath mubashrat karna, isko qom-e-loot ka amal (homosexuality) kaha jata hai. Islam mein fa’el aur maf’ool donon kay liye sakht saza hai. Ek barey gunah kay elawa aaj kay daur mein yeh amal AIDS aur doosri jinsi beemariyon kay phaelney ki ek bohut bari wajah hai. Yeh amooman bachpan sey shuru hota hai. Amooman fa’el aur maf’ool qareebi dost ya aziz hotey hain. Aksar fa’el bari umer ka hota hai jis ki wajah sey woh kam umer rishtey daar ya dost ko behla phusla kar ya dara dhamka kar yeh kaam karta hai. Iss kay elawa woh naujawan jo ikatthey sotey hain chahey woh sagey bhaee hi kyun nah un, ba’az auqaat iss ka shikar ho jatey hain. Merey paas iss tarah kay kaee case aatey hain jahan ek bhaee ney doosrey bhaee sey budfaeli ki. Iss sey bachney kay liye zaroori hai kay waladaen chotey bachon ki nigraani karein. Inn ko barey bachon kay sath akela na honey dein. Kisi dost kay haan raat na guzarney dein. Khaas kar ghar mein bachey ikatthey na so’ein. Allah kay Nabi ney 10 saal ki umer kay ba’ad do afraad ko chahey larkey hun ya larkiyan, bhaee hun ya behnein, ek chadar mein soney sey mana farmaya hai. Jadeed ahl e ilm bhi iss baat ki sifarish kartey hain kay 9 saal kay ba’ad bachon kay bister alaehda hun. Iss kay elawa bachon ko iss sey bachney ki tarbiyat dii jaey kay ju’nhi koi unn kay peeshab, pakhaney ki jagah ko chu’ey ya inn ko apna zakar pakarney ko kahey to yeh na sirf inkaar kardein bul kay foran maan ya baap ko bataein. Isi tarah kay ek walid ney apney bachon ki iss tarah tarbiyat ki hui thi. Ek tutor ney unki choti bachi sey kaha kay woh iss ka zakar (penis) pakrey, bachi hath dhoney kay bahaney ander gaee aur saari baat apney walid ko bata di. Walid ney tutor ko la’anat malamat kii aur naukri sey farigh kardiya. Iss tarah bachi jinsi tashaddud (sexual abuse) sey mehfooz rahi. Humarey haan naukar, naukrani, humsaya, qareebi aziz, bachon aur bachiyon ko jinsi tor per abuse karney ki koshish kartey hain lekin agar bachon ki tarbiyat kar di jaey to woh iss jinsi abuse sey bach saktey hain. Merey ek naujawan client ko bachpan mein inn ki naukrani jinsi tor per istaemaal karti thi. Isi tarah meri ek naujawan shadeed nafsiyati mareeza ka jab nafsiyati tajziya kya gaya to ma’aloom hua kay 5 saal ki umer mein ek humsaya ney uss kay sath budkaari ki koshish ki. Woh shadeed khaufzada ho gaee aur bhaag aaee aur maan ko bataya. Iss tarah woh aa’enda kay liye bhi mehfooz ho gaee. Iss tarah merey ek naujawan client sey uss kay sagey behnoee ney budfaeli ki aur dara dhamka kar bohut arsey tak karta raha hatta kay phir usko aadat parr gaee. Ta’hum iska elaj kiya ja sakta hai. Kuch log jaanwaron kay sath jinsi fael kartey hain. Yeh na sirf ek bohut bara gunah hai bul kay iss sey fard ko bohut si jinsi beemariyan lag jati hain. Iss tarah ki harkat shehron mein kam aur dehaton mein zyada hoti hai. Jaanwaron ko churaney waley naujawan amooman iss mein mulawwis ho jatey hain. Islam mein aisey fard kay liye sakht saza hai. Zina Ki Wajoohaat – Jinsi khwahish (libido) ko poora karney kay liye mard sab sey zyada paesha war aurton tawaif kay paas jatey hain, inn mein aksar aurtein beemaar hoti hain jin sey sozak, aatishik aur AIDS jaisi mohlik aur khatarnaak beemari lagney ka qawi imkan hota hai, inn sey her soorat bachna chahiyie. Ba’az naujawan apni jinsi salahiyat ko check karney kay liye paeshawar aurton kay paas jatey hain. Mardana quwwat ko check karney ka yeh budtareen tariqa hai. Jab bhi koi fard shaoori tor per apni mardana taqat check karney ki koshish karta hai to woh khauf aur ehsas e gunah ki wajah sey akser nakaam rehta hai. Usko ya to tanau (erection) hota hi nahin ya phir jaldi khatam ho jata hai, ya phir jald inzaal ho jata hai hala’n kay jawani mein taqreeban koi bhi fard mardana tor per kamzor nahin hota. Jis fard ko kisi bhi waqt tanau (erection) hota hai who bilkul normal hota hai, kharabi uskay dimagh mein hoti hai jis kay liye neem hakeem ya doctor ki bajaey mahir e nafsiyat sey elaj ki zaroorat hoti hai. Parda In Islam And Quran In Urdu – Parda In Pakistan And India 2. Zina ki bohut bari wajah bey parda mahol hai. Tamam mahireen iss baat per muttafiq hain kay aurat ki sab sey bari zeenat uska chehra hai aur Islam mein zeenat ko chupaney ka hukum hai. Koi maney na maney Islam mein pardah farz hai. Jin mu’aashiron mein jitni zyada bey pardagi hai wahan utni hi zyada jinsi beyrahrawi (sexual perversion) hai. Mahireen e nafsiyat iss baat per bhi muttafiq hain kay mard basarat sey jinsi tor per mushta’el hota hai. Yani mard kay jinsi jazbaat aurat ko dekh kar mushta’el hotey hain jab kay aurtein amooman bazarya basarat jinsi tor per mushta’el nahin hotiin. Isliye Islam mein aurat ko pardey ka hukum diya gaya hai na kay mard ko. Waisey mardo’n ko nigaahein jhukaney ka hukum hai. Pakistan kay ek bohut barey girls college kay barey mein ma’aroof hai kay iss idaarey ki kam az kam 60% bachiyan ba asmat nahin rehtiin. Iss idarey ki taqreeban sab bachiyan bey parda hain. Darasal bey pardagi mein mard o khawateen kay milney kay mawaqae zyada ho jatey hain jis sey zina kay mawaqae bhi zyada paeda ho jatey hain. Pardey daar khatoon sey koi mard milney ya guftugoo karney ki koshish nahin karta. 3. Makhloot talim bhi zina ka ek ahem sabab hai. Makhloot talim mein naujawan larkey aur larkiyon ko milney kay mawaqae zyada miltey hain. Larkey, larkiyon ko flirt kartey hain aur larkiyan ishq aur shadi kay laluch mein apni esmat ga’nwa bethti hain. 4. Makhloot majalis jinsi beyrahrawi ka ek bara zarya hai. America kay woh elaqey maslan California jahan aurat aur mard kay milney kay zyada mawaqae hain wahan jinsi beyrahrawi zyada hai aur talaq ki sharah bhi baqi mulk kay muqabley mein zyada hai. America mein amooman talaq ki sharah 50% sey zyada hai jab kay California mein 4 shadiyon mein sey 3 talaq per khatam hoti hain yani wahan talaq ki sharah 75% hai. Merey paas taqreeban har maah ek do case aisey zaroor aatey hain jahan makhloot majalis ki wajah sey doosri aurat ya mard mein involve ho jatey hain aur ghar bachaney kay liye humari madad talb kartey hain na janey woh shadi shuda log kitney hain jo humarey paas nahin aatey aur jinsi beyrahrawi (sexual perversion) mein mubtala rehtey hain . Iss tarah na janey kitney ghar khamoshi sey ujarr jatey hain. 5. Cousin culture: humarey haan amooman bachiyan apney cousin larkon kay sath mael jol mein kuch zyada hi frank ho jati hain aur ghanto’n alaehdgi mein gupshup karti hain jis ki wajah sey larkon ko unhein flirt karney kay mawaqae mil jatey hain, iss tarah bohut si bachiyan inn cousins kay hathon lutt jati hain. Hala’n kay Allah kay Nabi ney sagey jawan behen bhaee ko bhi tanhayee mein bethney sey mana farmaya hai. Isi tarah bohut sey behnoee apni saaliyon sey flirt karney ki koshish kartey hain aur iss gunah kay murtakib hotey hain. 6. Jinsi beyrahrawi ka ek aur bara sabab khawateen ka mardon kay sath kaam karna hai. Secretary level ki ek khatoon CSP officer ney mujhey bataya kay mardon kay sath kam karney wali kam az kam 50% aurtein apni izzat bachaney mein nakaam rehti hain, isliye nurses aur istaqbalia (reception) per kaam karney wali khawateen kay liye apni asmat bachana naa mumkin nahin to bohut mushkil zaroor hai. Taqreeban 100% mulazimat paesha khawateen mardon ki jinsi harassment ka shikar hoti hain. Male Tutor For Female Student Lack Of Adequate Sex Education In Female 7. Barey shehron mein jinsi beyrahrawi ki ek bari wajah mard tutor hain. Bohut sey gharaney apni jawan larkiyon ko mard hazraat sey tuition parhwatey hain. Budqismati sey taqreeban har mard bachiyon ko phuslaney ki koshish karta hai. Ek naujawan larkey aur larki ko ghanton ikatthey bethney ka moqa dey kar yeh tawaqqa rakhna kay kharabi na hogi saadgi ya himaqat ki inteha hai. Ghee aag kay paas para ho aur phir bhi na pighley….na mumkin. merey paas gahey ba gahey iss tarah kay cases aatey rehtey hain. 8. Budqismati sey humarey haan sex education nahin hai jis ki wajah sey taqreeban 70% sey zyada khawateen jinsi tor per mutmaen nahin hotiin. Dunya mein sex kay ek bohut barey muhaqqiq Alfred Kinsey ney Calcutta mein ek lecture kay doran kaha kay Asian aurat maan banti hai hutta kay dadi, nani ban jati hai magar woh saari umer orgasm (jinsi lutf) hasil nahin karti. Aisi aurtein shadeed frustration ka shikar hoti hain. Aisi aurton mein kuch sabar, shukar kar leti hain, kuch nafsiyati beemariyon ka shikar ho jati hain aur kuch jinsi beyrahrawi mein mubtala ho jati hain. Merey paas ek 40 sala khatoon aaee’n unhon ney mujhey bataya kay woh saari umer kabhi jinsi tor per mutmaen na huiin aur ab unka gunah karney ko dil chahta hai. Na janey kitni aurtein iss wajah sey gunah mein mulawwis ho jati hain. Hum iss hawaley sey Lahore aur doosrey shehron mein har maah ek roza seminar/workshop ka intezam kartey hain jis mein azdawaji zindagi ko zyada purlutf bananey, biwi ko mutmaen karney aur ghareloo zindagi ko khushgawar bananey kay tips batatey hain. Internet Chatting And Phone Friendship Homosexuality – Zana Ke Wajoohat 9. Aaj kal jinsi beyrahravi ki ek ahem wajah internet chatting aur phone per gupshup hai. Bohut sey afraad ek planning kay tehet bholi bhali bachiyon ko warghalatey hain, maan baap ko chahiyie kay koshish karein kay ghar mein jawan bachiyan phone attend na karein bul kay koi mard ya bari umr ki khatoon phone sunein. Iss tarah internet istaemal karney waley bachon ki nigraani ki jaey ta’kay woh iska ghalat istaemal na kar sakein. Amooman larkey larkiyan ban kar larkiyon sey gupshup kartey hain aur phir waqt per larki ko asli soorat-e-haal sey aagah kartey hain. Ab inn haalaat mein larki kay liye peechey hutna mushkil ho jata hai iss tarah paesha war aurtein naujawan larkonka shikar karti hain. Musht Zani Per Control – (Stop Masturbation) Agarcha musht zani kisi bhi tarah sey nuqsan deh nahin magar phir bhi aap isey control karna chahein to aisa kar saktey hain, kam az kam iss ki ta’adaad (frequency) ko kam kya ja sakta hai. Iss soorat mein amooman ehtelam mein izafa ho jata hai. Jis sey pareshan honay ki zaroorat nahin. 1. Musht zani ko control karney ka sab sey mu’asser aur aasan zarya shadi hai. Jab fard shadi kar leta hai to phir uski mani kharij hoti rehti hai jis ki wajah sey woh musht zani karney per majboor nahin hota. Shaadi kay ba’ad yeh aadat khud ba khud khatam ho jati hai. Isliye Allah kay Nabi ney jald shaadi karney ki taakeed farmaee hai. 2. Gandi filmein, kahaniya’n, fahash kutub, tasaweer, naghmaat aur suhbat sey bachein. Yeh cheezein fard mein jinsi haejaan paeda karti hain aur phir fard musht zani karney per majboor ho jata hai. 3. Khelon ki taraf zyada tawajjuh dii jaey. Pasandeeda khelon mein hissa liye jaey. Agar fard khelon mein bharpoor hissa ley to uski tawajjuh sex ki taraf kam ho jati hai, aur musht zani ki ta’adaad (frequency) bohut kam ho jati hai. 4. Masbat mashagil (hobbies) ko ikhtiyar kya jaey, laziman kuch waqt rozana sehat mand mashaghil mein sarf kya jaey, iss sey khud lazzati ki taraf tawajjuh kam ho jaey gi. 5. Rafah e aamma kay kaamo’n mein dilchaspi lein, muhalley ki behetri kay liye koi kaam karein, logon ki khidmat karein, boorho’n ki madad karein. 6. Amooman fard kisi ek khaas jagah musht zani karta hai, phir woh jab bhi uss jagah jata hai to woh bey ikhtiyar musht zani kar leta hai, chunancha aaenda jab bhi musht zani karna chahein to jagah badal lein. Iss sey musht zani ki ta’adaad (frequency) kam ho jaey gi. 7. Aksar auqaat fard ek khaas waqt per musht zani k arta hai amooman naujawan raat ko kartey hain, aaenda raat kay bajaey subah karein, chund dino’n kay ander musht zani ki ta’adaad kafi kam ho jaey gi. 8. Aksar naujawan ek khaas ta’adaad mein musht zani kartey hain maslan haftey mein do baar waghaera aaenda sey iss ki ta’adaad kam kardein to aap ka control barh jaey ga. 9. Istasna (exception) ka istemaal kar lein yani note karein kay jab aap musht zani nahin kartey to kya kartey, phir wahi mazeed karein, maslan ek larkey ko jab bbhi musht zani ki khwahish hoti to woh koi mazhabi kitab parhney lagta, doston sey milney julney chala jata waghaera. Isey kaha jaey ga kay woh inn cheezon ko zyada karey to uski yeh aadat bohut kam ho jaey gi. 10. Jab bhi musht zani ki khwahish ho to laziman naey kaprey pehnein [hir musht zani karein. 11. Ju’nhi musht zani ki khwahish paeda ho to foran na karein bul kay usey adha ghanta late kar lein. 12. Yeh bohut hi mu’asser tariqa hai, agar isey munasib tor per istemal kya jaey to musht zani ko aasani sey control kya ja sakta hai. . Musht Zani Ki Wajoohaat Musht Zani ki bohut si wajoohaat hain chund ahem mandarja zael hain. 1. Musht zani ki sab sey bari wajah yeh hai kay baloghat mein jinsi ghudood ki kaarkardagi ki wajah sey mani (semen) banney lagti hai chu’n kay hum mani ko mehfooz (store) nahin kar saktey aur iss ka nikaas bohut zaroori hai ab agar fard kay paas mani kay ikhraj ka ja’ez zarya mojood nahin aur isey aksar ehtelam bhi nahin hota to phir baligh fard musht zani kay zaryey iss liquid ko kharij karta hai. 2. Doosri bari wajah burey doston ki suhbat hai. Yeh dost inn ko baloghat kay aaghaz hi mein khud lazzati sey na sirf aagah kartey hain bul kay inn ki tarbiyat bhi kartey hain, hala’n kay agar inn ko ilm na hota to mumkin tha kay inn ko ehtelam honay lagta aur unko musht zani ki zaroorat hi mehsoos na hoti. 3. Aaj kal naujawan bul kay shadi shuda afrad bhi gandi (blue) films dekhtey hain khusoosan internet kay zaryey fahash mawad sex sites dekhtey hain unhein dekh kar unn kay jazbaat mushta’el ho jatey hain, unki fori taskeen kay liye musht zani kar letey hain. 4. Ba’az khawateen apney khawand kay sath bharpoor jinsi ta’awwun nahin kartiin jis ki wajah sey unki azdawaji zindagi jinsi taskeen sey mehroom hoti hai phir aisey log zina ki bajaey khud lazzati kay zaryey jinsi taskeen (sexual satisfaction) hasil kar letey hain 5. Ba’az gharon mein kamrey kam magar afraad ki ta’adaad zyada hoti hai jis ki wajah sey mian biwi ko mubashrat kay mawaqae jald nahin miltey. Iss soorat e haal mein biwi to apney aap per control kar leti hai magar khawand nahin kar pata chunancha woh zina ki bajaey musht zani ka sahara leta hai. Islam Aur Musht Zani (Masturbation In Islam) Musht Zani (masturbation) kay hawaley sey doosra ahem masla ehsaas e gunah ka hai. Merey ek client ney musht zani sey bachney ki bharpoor koshish ki magar kamyaab na ho saka. Phir ehsaas e gunah ki shiddat ki wajah sey khudkushi kii magar khushqismati sey kamyaab na ho saka. Musht Zani gunah hai ya nahi, chota gunah hai ya barra, iss per ikhtilaf e raey ho sakta hai magar khudkushi per to dozakh lazim ho jati hai. Musht Zani/khud lazzati key hawaley sey ek baat zehen mein rahey kay shuru mein amooman naujawan isey shauq sey nahin kartey bul kay majbooran kartey hain. Dar asal mard kay masaney kay qareeb mani ki do thaeliyan seminal vesicles hoti hain jo mani (semen) ka ek hissa banati hain. Yeh naaliyan taqreeban 3.5 din ba’ad bhar jati hain, mani ka ikhraj na honay per inn mein irritation aur tension hoti hai jis ki wajah sey fard khudlazzati/musht zani per majboor ho jata hai. Musht Zani kay hawaley sey imamo’n ki ra’ey mein ikhtilaf hai. 1. Imam Malik aur Imam Shafa’ee isey gunah aur haram samajhtey hain. 2. Imam Abuhanifa kay nazdeek gunah sey bachney kay liye ba’waqt e zaroorat ki ja sakti hai aur Khuda maaf farma dey ga. 3. Imam Han’bal isey ja’ez samajhtey hain aur in kay nazdeek iss ka koi gunah nahin. Islam mein halal aur haram bohut wazeh hain. Islam ka ek bunyaadi usool yeh hai kay har cheez halal hai jab tak Allah aur uskay Rasool ney usko haram na qarar diya ho. Quran Majeed mein musht zani kay haram honay ka kahin bhi wazeh zikr nahin. Ba’az ulma’a ney sura Momineen ki aayat 5,6 : “yaqeenan falah paee eeman laney walo’n ney jo …apni sharamgaho’n ki hifazat kartey hain, siwaey apni biwiyon aur londiyon kay” sey akhaz karney ki koshish ki hai kay yeh haram hai jab kay bohut sey doosrey ulma’a ney yeh mafhoom nahin liye. Kuch ney kaha kay iss sey muraad mat’aa hai ba’az ney kaha kay iss sey muraad zina hai. Yani iss hawaley sey ahl e ilm mein khasa ikhtilaaf hai. Agar iss sey murad musht zani li jaey to phir iss sey yeh nukta bhi nikalta hai kay biwi aur londi ki har cheez ja’ez hai aur halal hai yani maq’ad mein mubashrat karna bhi ja’ez aur halal hoga. To phir iss per yeh daleel di jati hai kay amal e qom e loot ko to Quran mein wazeh tor per haram qaraar dya gaya hai. Quran majeed kay muta’alley sey ek baat samney aati hai kay ba’az jagah Quran majeed ney ek cheez ki hurmat ki taraf sirf ishara kya magar kisi doosri jagah isey wazahat sey haram qarar dey diya gaya. Yani koi aisa gunah e kabira nahin jis ko Quran o hadees mein wazahat sey beyan na kya gaya ho. Chunancha Quran majeed mein musht zani kay haram honay ki koi wazeh ayat mojood nahin. Iss tarah Allah kay nabi ney bhi isey haram qaraar nahi diya. Meine ahadees ki ahem kutub ko chaan maara, mujhey musht zani ki hurmat per koi ek bhi hadees nahin mili. Sirf Anas bin Malik kay hawaley sey ek hadees ka zikr aata hai magar ahl e ilm ney isey ghareeb qarar diya hai kyun kay is ski sanad mein ba’az ravi majhool aur za’eef hain. Phir meine ulma e ahl e hadees aur ahnaaf sey bhi rabta kya to woh bhi kisi sahi hadees ki taraf meri rehnumaee nahin kar sakey, yeh masla mojooda daur ki paedawar nahin bul kay Allah kay nabi kay daur mein bhi tha. Meri naqis ra’ey mein Allah aur us kay nabi ney iss masley sey sarf-e-nazar kya hai. Chunancha Imam Zehbi ney apni mashhoor kitab ‘Gunah e Kabira Ki Kitab’ mein 79 gunah e kabira ka zikr kya hai. Jo darj zael hain: 1. Allah kay sath shirk karna 2. Qatal karna 3. Jadu karna 4. Namaz chorna 5. Zakat ada na karna 6. Mah e Ramzan ka roza bina uzr chorna 7. Taqat kay bawajood Haj na karna 8. Walaedaen ki nafarmani karna 9. Qareebi rishtey daaron sey qata’a ta’alluq kar lena aur sila rehmi na karna 10. Zina karna 11. Amal e qom e loot 12. Soodi laen daen 13. Yateem ka maal khana 14. Allah aur Rasool per jhoot bolna 15. Maedan e jang sey farar 16. Hakim e waqt ka re’aya ko dhoka dena aur unn per zulm karna 17. Ghamand karna aur deengein marna 18. Jhooti gawahi dena 19. Sharab peena 20. Jua baazi 21. Paakdaman aurton per tohmat lagana 22. Maal e ghaneemat mein khayanat karna 23. Chori karna 24. Daaka dalna 25. Jhooti qasam khana 26. Zulm o zyaditi karna 27. Ghunda tax wasool karna 28. Haram khana 29. Khudkushi karna 30. Aksar baton mein jhoot bolna 31. Allah kay qanoon sey hutt kar faisla karna 32. Faisla karney per rishwat lena 33. Jins e mukhalif ki mushabihat ikhtiyar karna 34. Dayyoosi ikhtiyar karna yani apney ghar walon mein akhlaqi buraee (zina) ko bardaasht karna 35. Halala karney wala aur halala karwaney wala 36. Peeshaab kay chee’nton sey perhaez na karna 37. Jaanwaron kay mu’nh per daagh lagana 38. Dunya kay husool kay liye ilm hasil karna aur ilm ko chupana 39. Khayanat karna 40. Ehsaan jatlana 41. Taqdeer ko jhutlana 42. Logon ki posheeda baton kit oh lagana 43. Chughal khori karna 44. Bilawajah la’anat karna 45. Dhoka dena aur ahed poora na karna 46. Najoomi aur kahan ki tasdeeq karna 47. Khawand ki nafarmani karna 48. Bilazaroorat tasweer banana 49. Museebat kay waqt tamanchey marna, noha karna, kaprey pharna, ser kay baalon ko mundwadena, baalon ko nochna, halakat aur tabahee ki bud dua’en karna 50. Zulm aur sarkashi karna 51. Kamzor ghulam, londi, biwi ya janwar per zulm karna 52. Parosi ko takleef dena 53. Musalman ko takleef ya gali dena 54. Takabbur ya baraee ki gharz sey tehband takhno’n sey neechey rakhna 55. Soney chaandi kay bartanon mein khana peena 56. Mardon ka sona ya resham pehenna 57. Ghulam ka bhaag jana 58. Ghaer Allah kay naam per zibah karna 59. Jaan boojh kar haqeeqi nasb ka izhar karna 60. Jhagraloo pan ka muzahira karna 61. Izaafi pani rok lena 62. Kam tolna ya kam naapna 63. Allah ki tadbeero’n sey bey khauf hona 64. Murdaar ya khinzeer ka gosht khana 65. Juma’a aur farz namaz ko terk kardena 66. Ba jama’at ki bajaey tanha namaz parhna 67. Allah ki rehmat sey mayoos hona 68. Musalman ko kafir kehna 69. Dhoka fareeb dena 70. Sahaba karam mein sey kisi ko gaali dena 71. Ghalat faisla karney wala qazi 72. Jhagrey kay doran gaaliyan dena 73. Nasb ka tana dena 74. Mayyat per noha karna 75. Zameen kay nishanaat mitana 76. Ghalat rivaj paeda karna ya gumraahi ki da’awat dena 77. Ja’ali husn paeda karna 78. Musalman ki taraf aslaha kay sath ishara karna 79. Hudood-e-haram mein zyaditi karna poori fehrist ka ba ghor jaeza lein, iss fehrist mein kahin khudlazzati ka zikr nahin. Ek zamaney mein mujhey haerat thi kay ek kaam jisey 95% log karney per majboor hain, woh gunah hai. Ab ilm hua kay Allah aur uskay Rasool ney iss masley mein sukoot farmaya hai, magar humarey ba’az ulma’a ney isey haram qarar dey diya. Iss ka maqsad yeh nahin kay hum khudlazzati/mushtzani ki wakalat kar rahey hain na hum iska mashwara detey hain kay sab larkon aur naujawanon ko aisa karna chahiyie, meine khud nahin kii. Mujhey ehtelam bohut hota tha, ek raat mein do baar tak. Iss wajah sey mujhey iss ki zaroorat hi nahin parri. Humara maqsad sirf yeh hai kay iss mozou per mua’ashirey mein paee janey wali ghalat fehmiyon ki haqeeqat beyan karein, ta’hum iss kay koi nuqsaanat nahin aur na hi yeh gunah e kabira hai. Harms Of Masturbation Mojood ilm aur tehqeeq ki roshni mein yeh baat poorey aetmaad aur da’awey sey ki jasakti hai kay musht zani kay kisi bhi tarah kay koi nuqsaanaat nahin bul kay ba’az mahireen kay mutabiq to musht zani ek mufeed amal hai. Jis sey insaan ko jinsi taskeen, sukoon, raahat (relief) aur tasalli (satisfaction) hasil hoti hai. Jis sey fard ko jismani aur zehni falah (well being) bhi hasil hoti hai. Musht zani (Masturbation) sey sey fard ko wahi isterahat (relaxation) hasil hoti hai jo inssan ko mubashrat ya mazaeydaar khaney kay ba’ad hasil hoti hai, yani aurton aur mardon kay liye musht zani jinsi aur zehni sukoon ka ba’es hai. Mereey bohut sey clients apni tension aur zehni dabau (stress) ko khatam karney kay liye musht zani ka zarya ikhtiyar kartey hain. Iss sey ionko sukoon milta hai, lekin agar fard ko ehsaas-e-gunaah ho to usey jinsi tasalli (sexual satisfaction) to zaroor hasil hoti hai magar zehni sukoon nahin milta. Ba’az mahireen ka khayal hai kay musht zani (Masturbation) jinsi ehsasaat (feelings) aur salahiyat (capability) mein izafa karti hai kyun kay Khuda ney insani jism ko kuch iss tarah banaya hai kay iss kay jo hissey zyada istaemaal hotey hain woh zyada mazboot aur sehat mand hotey hain maslan lambi daur, daurney waley afraad ki taangein aam logon sey zyada mazboot, sehatmand aur muscular hongi, isi tarah mushaqqat ki wajah sey ek mazdoor kay bazu aur seena nisbatan zyada mazboot aur muscular hongey. Isi tarah musht zani sey jinsi salahiyat (mardana quwwat) mein izafa hota hai. Woh log jo jail mein hotey hain ya kisi wajah sey jinsi amal sey mehroom hotey hain, unki jinsi salahiyat kam honay lagti hai yani jinsi sargarmi (activities) sey jinsi salahiyat (mardana quwwat) mein izafa hota hai. Note: mein iss hissey ko kitab mein shamil na karna chahta tha phir socha kay aisa karna ilmi bud diyaniti ho gi. Mardon kay do ahem jinsi masail surat e inzal (premature ejaculation) aur namardi (impotency) hain. Inn donon amraz kay elaj ka sab sey mu’asser tariqa elaj musht zani hi hai jo poori dunya mein kaamyabi sey istemaal ho raha hai. Isi tarah aurton ka ek ahem jinsi masla adumdakhool (vaginismus) hai jis mein mubashrat kay doran dakhool na mumkin hota hai, iss masley ka ahem hal bhi musht zani hi hai. Research On MasturbationResearch On Masturbation Guzishta saddi mein musht zani (Masturbation) kay hawaley sey taraqqi yaafta dunya mein bohut research hui aur abhi tak iss kay kisi tarah kay nuqsaan sabit nahin ho sakey. Iss silsiley mein bunyadi kaam ek American doctor Master ney apni biwi Johnson kay sath mil kar kya. Master & Johnson ney taqreeban 22 saal sex kay 14 hazar mukhtalif unwaanaat per research ki. Unn ki research sey bhi yehi baat sabit hui kay musht zani kay kisi bhi tarah kay koi nuqsan nahin. Ek research mein kuch naujawano’n ko kaee maah tak rozana zyada sey zyada musht zani karney ko kaha gaya. Research kay shuru mein tamam naujawanon kay bohut sey tests kiye gaye. Muqarrara waqt kay ba’ad inn afraad ko inhi tests ki madad sey dobara check kya gaya aur musht zani kay kisi bhi tarah kay burey asraat saamney na aaey. Ek aur research mein kaee100 afraad per tajurba kya gaya, inn ko din mein kaee baar musht zani karney ko kaha gaya. Kaee maah tak musalsal yeh amal jari raha research ki takmeel per inn afraad kay tests kiye gaye to kisi bhi fard ko koi bhi kharabi ya kamzori na hui. Kuch reports sey to yeh bhi ma’aloom hua kay jin atheletes ney muqabley sey kuch der pehley musht zani (Masturbation) ki woh relax aur fresh ho gaey aur unhon ney apney qaumi record ko torra. Atheletes aura am logon kay sath aur bhi bohut si shaandaar research jin sey musht zani ki tabaah kaariyon mein sey kuch bhi sach sabit na ho saka. Musht zani Aur Depression – Masturbation Mubashrat Aur Musht zani – Intercourse And Masturbation Musht Zani ki Waja say Fard shadeed udaasi aur afsurdagi mehsoos karta hai. Iska kisi kaam mein dil nahin lagta, tawajjuh muntashir ho jati hai, chirrchirra pan paeda ho jata hai. Jinsi khwahish (libido) khatam ho jati hai, fard ki bhook aur neend bhi khatam ho jati hai aur kamzor honay lagta hai, uska wazen kam ho jata hai. Ab fard ko yaqeen aa jata hai kay woh waqaee musht zani ki wajah sey na sirf kamzor aur beemaar ho gaya hai bul kay jinsi tor per bhi khatam ho gaya hai, hala’n kay iski bari wajah tawaqqa aur doosri wajah depression hai na kay musht zani. Kamzori ki ek wajah yeh bhi hoti hai kay musht zani kay ba’ad fard relax ho jata hai jisey woh kamzori samajh leta hai. Hala’n kay yeh sirf relaxation hoti hai na kay kamzori. Aisey naujawan jab kisi 100 sala sanyasi baba kay hatthey charh jatey hain to yeh inko bata kar kay woh jinsi tor per khatam ho chukay hain iss qadar khaufzada kar detey hain kay yeh naujawan ghurbat kay bawajood elaj per hazaron rupey kharch kar detey hain, yeh bangali baba inn naujawanon ko kashtey waghaera detey hain jo aksar muzir hotey hain. Merey aisey ek client ko kashta diya gaya jis sey uss kay gurdey nakaara ho gaey. Sarkari hospitals mein gurdey kay ward mein aksar mareez isi tarah kay hotey hain. Haqeeqat yeh hai kay mani (semen) ka ikhraj peeshab ki tarah ek normal, mufeed aur sehat mand uzwiati amal hai. Yeh baat iss cheez sey bhi sabit hoti hai kay jab kisi naujawan ki shadi hoti hai to woh shuru mein kasrat e mubashrat sey lutfandoz hota hai jis sey bohut zyada mani kharij hoti hai magar iski sehat behter hoti hai. Chunancha aksar naujawan shadi kay ba’ad zyada sehat mand aur motey ho jatey hain kyun kay mubashrat sey unko jismani aur zehni sukoon aur raahat (relaxation, satisfaction, relief) milti hai. Ma’aloom hua hai kay mani ka ikhraj chahey mubashrat sey ho ya ehtelam sey ya musht zani sey mufeed cheez hai. Aap doodh ko glass mein daal kar pee lein ya bottle mein mu’nh laga kar pee lein ya straw kay sath uss kay asraat achey hi hongey yani doodh har soorat mein mufeed hoga. Iss silsiley mein ek ahem baat yaad rahey kay jo mani kharij hoti hai uski jagah naee mani paeda ho jati hai, bilkul thook ki tarah, hum thooktey hain to phir thook aa jata hai chahey din mein 100 baar thookein. Zahir hai kay zyada thookney sey sehat per burey asraat nahin parrtey. Isi tarah jab hum kisi ko khoon detey hain to woh 48 ghanton mein poora ho jata hai. Ba’az logon ka khayal hai kay musht zani sey zakar ki nussein marr jati hain ya ubhar aati hain, jis sey zakar ko nuqsan pohonchta hai, jab kay haqeeqat mein aisa nahin hota. Ek sahib ki naee naee shadi hui unki biwi ki faraj (vagina) bohut tung (tight) thi woh jab bhi mubashrat kartey unn kay zakar ki jild phutt jati yani faraj mubashrat mein ek hudd sey zyada nahin khul sakti, doosrey alfaaz mein faraj ko zakar kay size kay mutabiq (adjust) nahin kya ja sakta. jab kay musht zani mein mutthi aap kay control mein hoti hai aap isey jitna chahey khol lein ya tung kar lein yani musht zani mein aap apni mutthi ko zakar kay size kay mutabiq aasani sey adjust kar saktey hain. Doosrey alfaaz mein musht zani sey zakar ko kisi bhi tarah sey koi nuqsaan nahin pohonch sakta. Musht zani Ki ‘Tabahkaariyan’ Musht zani kay mafrroza nuqsan kay hawaley sey jitney qissey, kahaniyan aur afsaaney (myths) mashhoor hain shayed hi kisi aur cheez siwaey hypnotism kay mashhoor hun gey. Urdu mein sex ki kitab utha kar dekh lijiyie woh musht zani kay farzi nuqsaanaat sey bhari hui hain jin mein sey chend ek darj zeal hain. Homeo Dr. Asghar Ali Chaudhri likhtey hain. Musht zani sey khudaetmaadi aur quwwat e iradi khatam ho jati hai. Dimagh aur beenaee kamzor ho jati hai. Zehni uljhanein barh jati hain. Fard tanhaee pasand ho kar zindagi kay hungamo’n sey kinara kash ho jata hai. Uzu ki makhsoos rugein ubhar aati hain aur taerha pan ho jata hai. Darmiyan mein sey patla ho jata hai. Aisey larkey jawan ho kar amooman akhlaqi mujrim ban jatey hain. Muta’alla karney ko jii nahin chahta. Kuch yaad nahin rehta. Bey chaeni, udaasi, afsurdagi, mayoosi, ghabhrahat aur jhijhak iss per tari ho jati hai. Khelon mein hissa leney sey katratey hain. Musht zani sey jiryan, ehtelam, surat e inzal aur na mardi tak amraz paeda ho saktey hain, maeda kharab ho jata hai, bhook marr jati hai. Raat ko wehshatnaak khwab aatey hain. Chehra har waqt bey ronaq rehta hai, gaal pichak jatey hain aur zinda laash ban kar reh jata hai. Ma’aroof likhari aur ustaad Ali Abbas Jalalpoori irshad farmatey hain: Kasrat e jalaq bilashuba ek naukhaez jism aur zehen kay aksar awariz ka sabab ban jati hai. 12, 13 saal ki umer mein kasrat o tawatur sey jalaq lagaee jaey to a’aza e tanasul (male genitalia) ki nashaunuma rukk jati hai. Kotahi, laghari aur kaji kay ba’es majlooq muqarbat kay qabil nahin rehta. Iss ka nizam bhi ma’uf ho jata hai. Aankhein ander ko dhans jati hain. Inn kay gird kaley halqey namudaar ho jatey hain. Aankhon ki putliyan bey ronaq aur bey noor ho jati hain , chehrey ka rung matyaala ho jata hai. Chehrey per phunsiyan nikal aati hain. Hath bheegey bheegey aur sard rehtey hain, hafiza kamzor ho jata hai. Baat kartey waqt mukhatib sey aankh nahin mila sakta, na kisi masley per ghor o fikr kar sakta hai iss ka aetmaad e nafs majrooh ho jata hai, mizaj hamwaar nahin rehta. Azm o hosley sey aari ho jata hai. Matloon mizaj aur chirchira pan ho jata hai aur tootey huey jumlon mein baat karta hai. Doosrey hamjinso’n ki sohbat sey guraez karta hai aur khelon mein hissa nahin leta. Tanha idhar udher ghoomta phirta rehta hai. Libas kay maamley mein bey parwaah hota hai. Badni safaee ka khayal nahin rakhta. Shaadi kay naam sey ghabhrata hai. Jawan aurat sey baat karety huey uss ko paseeney aaney lagtey hain aur dil dhak dhak karney lagta hai. Who tashweesh ki uljhan mein mubtala ho jata hai. Bus mein safar kar raha ho to darta rehta hai kay kahin is ski takkar na ho jaey. Cinema mein betha ho to ooper dekhta hai kay kahin chutt na gir parrey. Iss kay iqdaam aur paeshraft ki quwwat slab ho jati hai aur iss mein mareezana jhijhak paeda ho jati hai. Nafsiyati rukawat kay ba’es woh ma’amooli sa kaam bhi saleeqey sey nahin kar sakta, maslan taxi waley ko awaz detey waqt, khirrki sey ticket khareedtey waqt, rail mein sawar hotey huey, public toilet ko istemal kartey waqt ghabhra jata hai. Woh na kisi kay mazaq per khul kar hans sakta hai aur na kisi museebat mein kisi sey izhar e hamdardi kar sakta hai. Uss ki khamoshi kay ba’es log usey mutakabbir samjhney lagety hain kyun kay woh uss kay ajeeb o ghareeb tarz e amal kay asal asbaab sey na waqif hotey hain. Usey apni alamnak haalat ka ehsas hota hai. Who zindagi kay haqa’eq sey g uraez kar kay barey barey buland nasb ul ain apna leta hai aur hero banney kay khwab dekhney lagta hai. Adbi zoq sey behra war hoto meyar sey gira hua adab takhleeq karta hai. Uss kay ehsaas sey zakawat aur takhayyul mein khwabnaaki si aajati hai. Who uskay shaeron aur qisson mein bhi raqeeq jazbatiyat aur alamnaak afsurdagi ka rung b harti rehti hai. 200 saal qabal maghrib mein bhi isi tarah ki beyshumar bey sar o pa baatein mashhoor thiin kay musht zani sey insaan pagal ho jata hai. (ek baar ek aalim ney ek pagalkhaney mein ek pagal ko musht zani kartey huey dekha to nateeja nikala kay musht zani sey insaan pagal ho jata hai) Hala’n kay haqeeqat yeh hai kay bhook pyas ki tarah jinsi taskeen ek fitri taqaza hai) beenaee kamzor ho jati hai, hafiza khatam ho jata hai, fard chakkar ya sergirani (dizziness) mehsoos karta hai. Mirgi kay daurey partey hain, fard shadeed zehni amraaz (psychosis), dil kay amraaz aur aqal ki kami ka shikar ho jata hai. Mu’nh per daaney nikal aur jism per mokey (warts) aa jatey hain. Fard ganjey pan aur sharmeeley pan mein mubtala ho jata hai. Maghrib aur doosrey taraqqi yafta mumalik mein to jadeed tehqeeq ki roshni mein naujawanon ko ma’aloom ho chukka hai kay musht zani kay muqsan ki koi haqeeqat nahi. Yeh jahalat kay daur ki baatein thiin magar budqismati sey hum abhi tak isi daur mein reh rahey hain. Musht Zani In Urdu – Masturbation – Musht Zani In Islam Khud lazzati Masturbation Misconceptions About Masturbation 26 sala Asif elaj kay liye merey clinic aaya. Masley ki tafseel batatey huey uss ney bataya kay woh bohut kamzor ho chuka hai. Din ba din uski mardana quwwat khatam hoti ja rahi hai aur ab woh biwi kay qabil nahin raha. Usey shadeed ehsaas e gunah bhi tha, ek baar khudkushi ki koshish bhi kar chuka hai. Uss ney bataya kay woh musht zani (masturbation) ka shikar hai aur koshish kay ba wajood isey chor nahin saka. Mani (semen) kay ikhraj ka teesra aur ahem zarya khud lazzati aur musht zani hai isey hathrasi, dastkashi aur handpractice bhi kaha jata hai. Khud lazzati aur musht zani mein ma’amooli sa farq hai. Khud lazzati sey muraad yeh hai kay fard mubashrat kay elawa kisi bhi aur tariqey sey mani kharij karey. Khud lazzati ka sab sey ahem zarya musht zani hai. Musht zani sey muraad apney hath sey ya kisi doosrey kay hath sey mani ka ikhraj karna. Ba’az mahireen (oral sex) mu’nh sey sex ko bhi khud lazzati mein shamil kartey hain. Yeh baat yaad rahey kay mani kay ikhraj sey roza toot jata hai aur fard per ghusl wajib ho jata hai. (mishkat) Khud lazzati kay bohut sey tariqey hain sab sey aam to zakar (penis) ko hath sey mushta’el karna hai. Magar ba’az log maq’ad (anus) aur peeshab ki naali mein koi cheez daakhil kar kay bhi jinsi lutf uthatey hain. Maq’ad aur peeshab ki naali mein koi cheez daakhil karna muhlik ho sakta hai. Iss sey har soorat bachna chahiyie. Mera ek client apni peeshab ki naali mein kabhi pencil, kabhi tinka daakhil kya karta tha. Humarey haan sab sey zyada ghalat baatein (myths) musht zani kay hawaley sey mashhoor hain. Jinhon ney naujawan nasal ko pareshan kar rakha hai. Musht zani mein fard hath sey apni jinsi khwahish ko poora karta hai. Naujawan iss amal ko haftey mein ek ya do baar kar letey hain. Merey ba’az client rozana aur ba’az ek din mein 6 ya 7 baar tak kar letey hain. Mera ek shadi shuda client 24 ghanto’n mein 15 dafa tak karleta tha. Iss ney aisa kaee baar kya. Yani woh jagtey mein taqreeban har ghantey mein ek baar kar leta tha, woh abhi zinda hai, kaee bachon ka baap hai. Kitabon mein ek aisey fard ka bhi zikr milta hai jo har ghantey mein 3 ya 4 baar musht zani kar leta tha. Hindustan, Pakistan mein naujawanon ka sab sey ahem masla musht zani hai. Yeh masla mardon mein zyada aur aurton mein kam hai. Mukhtalif researchers (muhaqqaqeen) kay mutabiq 95 ta 99% mard iss aadat ka shikar hain. Ma’aroof researchers sherry,hyte kay survey kay mutabiq 99% mardon ney kabhi na kabhi musht zani ki hai. Mashhoor mahir e nafsiyat Fryde ka khayal hai kay saarey mard kabhi na kabhi khud lazzati kartey hain albatta 95% iqraar kartey hain aur baqi 5% jhoot boltey hain. Magar research aur mera clinic ka tajurba fryde kay iss khayal ki tardeed karta hai yani 1% khud lazzati nahin kartey, Mein aisey logon sey waqif hun jinhon ney kabhi khud lazzati nahin ki albatta unko ehtelam khoob hota tha. Bohut sey bachey 10 saal ki umer sey pehley musht zani shuru kar detey hain. Ba’az bachey 6 maah ki umer sey musht zani karney lagety hain, albatta inka andaz baron sey mukhtalif hota hai maslan maan bachey ko nehaltey waqt jab uss kay zakar ko mul kar saaf karti hai to usey shahoot aa jati hai aur uska zakar akarr jata hai yani usey erection ho jati hai. Isi tarah aap ney dekha hoga kay 6, 7 maah ka bacha bister per leta apney akrey zakar sey khel raha hai (choti umer kay bachey agar apney zakar ko chaerein to unko daantney ki bajaey unki tawajjah kisi aur taraf kar dein) iss umer mein bachon ko jinsi lutf (orgasm) to hasil hota hai magar inzal nahin hota. Mani ka ikhraj ya baloghat kay ba’ad hota hai. Merey paas ek bacha laya gaya bachey ki umer 4 saal thi woh apney zakar ko maan ya baap kay jism sey ragerr kar suroor hasil karta. Yaad rahey kay bachey kop maan kay paet mein tanau (erection) ho jata hai. (Hyde) Agarcha khud lazzati ka zyada ter shikar larkey hotey hain jin ki shadi na hui ho magar ab jadeed research sey ma’aloom hua hai kay shadi shuda mard bhi iss aadat mein mulawwis hain. Mashhoor American muhaqqiq Kinsey ki research kay mutabiq America 70% shadi shuda graduate saal mein taqreeban 24 baar musht zani karletey hain yani ek maah mein do baar tak musht zani kay zaryey mard amooman 2 ta 5 minute mein inzal hasil karletey hain. Jab kay aurtein 5 ta 10 minute mein jinsi urooj (orgasm) hasil karti hain. Khud lazzati/musht zani (masturbation) kay hawaley sey humarey haan bohut sey gumraahkun aur ghalat tasawwuraat (myths) aur kahaniyan phaeli hui hain jin sey naujawan bohut zyada khaufzada hain magar woh shadi tak usey control nahin kar saktey. Musht zani kay hawaley sey humarey naujawan do qism kay masail ka shikar hain. 1. Jinsi, jismani aur zehni kamzori ka ehsaas aur khauf 2. Shadeed ehsaas e gunah Ehtelam Ki Wajoohaat (Causes of Nocturnal Ejaculation) 1. Iss ki wajah to yeh hoti hai kay fard ki mani ka kisi aur zaryey sey ikhraj nahin hota to iss tarah sey ikhraj ho jata hai kyun kay koi fard mani ko mehfooz nahin kar sakta. 2. Romantic films, fahash films, tasaweer, kahaniyan, fahash baatein aur internet per sex sites ka visit bhi iss ka ek ahem sabab hain. 3. Larki kay sath romantic mahol mein guzara hua waqt jis mein mubashrat ki shadeed khwahish ho jo poori na hui ho, iss tarah ehtelam kay zaryey khwab mein fard woh khwahish poori kar leta hai. 4. Narm bister, tung patloon aur underwear bhi ek ahem wajah hai. 5. Soney sey qabal peeshab na karna ya soney mein peeshab ko rokna waghaera bhi wajah ban jati hai. Mahireen ka khayal hai kay ehtelam ko bund karney ki koshish na ki jaey, agar mani kay ikhraj ka yeh acha raasta bund ho gaya to woh fard doosrey ghalat raastey talash kar ley ga, phir woh khud lazzati karey ga ya zina mein mubtala ho jaey ga. Amooman woh naujawan jin ko zyada ehtelam hota hai woh khud lazzati (masturbation) nahin kartey. Ehtelam (Nocturnal Ejaculation) ghaer shadi shuda afraad kay elawa shadi shuda afraad ko bhi ho jata hai jin ko biwi sey mubashrat ka jald ya kasrat sey moqa nahin milta, ta’hum isey kisi hudd tak kam kya ja sakta hai. Iss kay liye gandi filmon, kahaniyion, tasaweer, sex sites, dramon, gaanon aur buri sohbat sey bacha jaey, sports mein zyada dilchaspi lii jaey, rafahee kaamon mein hissa liye jaey, deen ki taraf zyada tawajjuh dii jaey. Raat ka khana kam aur jald khaya jaey. Raat kay khaney kay ba’ad saer ki jaey, sotey waqt garam doodh aur chaey na pii jaey, sotey waqt zyada pani na piya jaey. Bister bohut narm na ho, isi tarah kaprey khusoosan underwear tung na ho. Soney sey pehley peeshab zaroor kar liye jaey. Sotey mein jab bhi peeshaab ki hajat ho to foran neend sey baedaar ho kar peeshab kar liye jaey. Peeshab rokney ki zaroorat mein ehtelam kay imkanaat bohut barh jatey hain. Waisey ehtelam koi beemari nahin, iss ka koi nuqsaan nahin aur na hi iss kay elaj ki koi zaroorat hai. Ehtelam (Zehni Dabau Aur Ehsaas e Gunah) Depression mein fard shadeed afsurdagi aur udaasi mehsoos karta hai, uski neend urr jati hai, bhook khatam ho jati hai jiski wajah sey woh kamzor honay lagta hai. Iss kay elawa zehni dabau (stress) ki wajah sey fard bohut si doosri jismani beemariyon ka shikar ho jata hai. Ab tehqeeq sey sabit ho chuka hai kay nafsiyati beemariyon ki sab sey bari wajah zehni dabau (stress) hai. Iss kay elawa 50 ta 80% jismani beemariyon ki wajah bhi zehni dabau hota hai. Iss sey ulcer sey cancer tak ho jata hai. Haqeeqat yeh hai kay ehtelam kay jinsi, zehni aur jismani sehat per koi burey asraat nahin partey. Iss ki ek aur wajah fard ki tawaqqa (expectation) bhi hai. Insaan jaisi tawaqqa karta hai waisa hi mehsoos karney lagta hai yani waisa hi ho jata hai. Ek American Dr. Norman ney ek dilchasp tajurba kya, iss tajurbey mein 10 log shamil thay. Inn mein Dr.Norman khud bhi shamil tha. 10 log ek hotel mein ikatthey huey. Dr. Norman ney unn sey poocha kay woh agley saal kis cheez ki tawaqqa kartey hain. Har fard ney apni tawaqqa ek kaghaz per likhi aur inn sab ko alaehda alaehda envelope mein bund kar diya gaya. Ek saal ba’ad yeh sab log isi hotel mein ikatthey huey, inn mein ek fard na aaya. Ek ek kar kay sab kay envelope kholey gaey har fard ney jiski tawaqqa ki thi uss nay taqreeban woh cheez hasil karli thi. Ghaer hazir fard ka envelope aakhir mein khola gaya iss mein darj tha kay humarey khandaan mein mardon ki umrein zyada lambi nahin hotiin lehaza mera khayal hai kay mein agley saal tak zinda na rahun ga, aur woh faut ho chuka tha. Naujawan amooman pehley musht zani shuru kartey hain, phir ehsas e gunah aur iss kay farzi asraat kay khauf sey Musht zani chor detey hain magar musht zani chortey hi unn ko ehtelam shuru ho jata hai. Phir naujawan ajeeb makhmasey mein phans jatey hain kay mushtzani karein to shadeed ehsas e gunah aur jinsi kamzori ka ehsaas aur musht zani chorein to ehtelam aur phir jismani aur jinsi kamzori ka khuaf aur ehsaas. Nocturnal Ejaculation Ehtelam (Nocturnal Ejaculation) Ek dubla patla naujawan merey clinic mein aaya, woh bohut pareshan tha. Uss ney bataya kay woh din ba din kamzor hota ja raha hai, uski mardana quwwat khatam hoti ja rahi hai. Meine wajah poochi to bataya kay usey haftey mein ek baar Ehtelam ho jata hai. Meine uss sey poocha kay kya woh bachpan mein mota taza tha uss ney bataya kay woh bachpan hi sey dubla patla hai. Meine poocha kay kya usey bachpan mein bhi Ehtelam hota tha uss ney nafi mein sar hilaya yani uss kay dubley pan ki wajah Ehtelam na tha magar woh iss ko wajah samajh kar pareshan tha. Mani kay ikhraj ka doosra behter rasta ehtelam hai jin naujawano ko mubashrat ya khud lazzati ka kasrat sey moqa nahin milta unn ko Ehtelam ho jata hai. Yani sotey mein khwab mein ya khwab kay baghaer peeshab kay rasta mani kharij ho jati hai. Iss kay baad ghusl farz ho jata hai, albatta iss sey roza nahin tootta. Hazrat Abu Hurera sey marvi hai kay RasoolAllah ney farmaya kay teen cheezon sey roza nahin tootta, pachna, qaey aur Ehtelam . (Abudaud) Yeh amal 8, 10 saal ki umer sey shuru ho sakta hai. Behter hai kay bachay ko iss kat muta’alliq paeshgi bata diya jaey warna isey jinsi beemari samajh ley ga aur khauf zada aur pareshan ho jaey ga. Phir kisi neem hakeem kay hutthey charh kar sehat aut rupya zaya karey ga. Ehtelam ek bilkul normal aur sehat mand uzwiati amal ya kaifiyat hai jis kay barey mein pareshan honay ki zaroorat nahin. Albatta agar yeh 6, 7 saal ki umer mein shuru ho jaey to phir kisi mahir urologist sey mashwara kar liye jaey. Ehtelam (Nocturnal Ejaculation) waley khush qismat hain kyun kay woh iss tarah mani kay ikhraj ki wajah sey khud lazzati aur zina sey bach jatey hain. Yeh rozana ho sakta hai bul kay ek raat mein do teen baar bhi ho sakta hai. Ek mashhoor muhaqqiq Kinsey kay survey kay mutabiq yeh ek haftey mein 12 dafa bhi ho sakta hai. Yeh na sirf naujawanon ko hota hai bul kay 70 saala boorhey, jis ko mubashrat ka moqa nahin milta, ko bhi ho sakta hai. Ta’hum yeh chahey kitni hi martaba kyun na ho ek normal amal hai, kyun kay mani ka ikhraj ek sehat mand amal hai. Insan ki sehat per iss kay koi burey asraat nahin partey. Saarey doctors, reasearchers, mahireen e nafsiyat aur jadeed ilm sey aagaah hakeem iss baat sey poori tarah ba khabar hain kay Ehtelam koi nuqsan deh cheez nahin. Chuna’ncha yeh baat poorey daawey sey kahi ja sakti hai kay Ehtelam kay kisi bhi tarah kay burey asraat nahin. Allbatta neem hakeem naujawano ko Ehtelam kay farzi burey asraat aur tabahkaariyon sey khauf zada kar detey hain, jin mein sey chund yeh hain_ Ehtelam sey dimagh aur hafiza kamzor ho jata hai._parhney ko dil nahin karta (parhney ko kis talib ilm ka dil karta hai) yaad kya hua yaad nahin rehta_beenaee kamzor ho jati hai_a’asaab kamzor parr jatey hain_fard khauf aur ghabraahat ka shikar ho jata hai_uss kay dil ki dharkan taez ho jati hai_aankhon kay aagey andhera cha jata hai_chusti, chalaki khatam ho jati hai_chehra bey ronaq ho jata hai_badan susu aur kamzor parr jata hai_fard zara si mehnat sey thak jata hai_kisi kaam mein dil nahin lagta. Albatta agar yeh 6, 7 saal ki umer mein shuru ho jaey to phir kisi mahir urologist sey mashwara kar liya jaey. Taangon aur kamar mein dard mehsoos hota hai_fard susti, kaahili aur udaasi mehsoos karta hai_mizaj chirrchira ho jata hai_ehsaas e kamtari ki wajah sey fard kisi sey aankh mila kar baat nahin kar sakta. Yaqeen karein kay inn tabah kaariyon ki koi haqeeqat nahi. Albatta kuch log ehtelam kay ba’ad kuch kamzori aur doosri jismani aur nafsiyati alamaat (symptoms) ki shikayat kartey hain. Iss ki wajah manfi suggestions hain jo humein ghaer meyari kutub aur deewaron per ishtehaarat sey milti hain jin mein ehtelam ki tabah kaariyon ka zikr hota hai. Phir fard sochta hai kay woh kamzor ho jaey ga to woh kamzor ho jata hai, dar asal insan jaisa sochta hai waisa hi mehsoos karney lagta hai. You Are What You Think Hath halka bhari honay ka tajurba Ek tajurba karein, kisi pur sukoon jagah beth jaein, aankhein bund kar lein, donon baazu aagey ko kar lein aur tasawwur karein kay aap kay da’ein hath per ek hot air balloon bandha hua hai, jo aap kay hath ko ley kar ooper ja raha hai aur doosrey hath kay ooper ek moti dictionary hai uss kay bojh ki wajah sey baya’n hath neechey jar aha hai, aap kuch der sochein aur tasawwur karein, hath khud ba khud halka aur bhar ho jaey ga. Iss kamzori ki bari wajah inn farzi tabah kaariyon ka khauf aur zehni dabau (stress) hota hai jis ki wajah sey fard depression ka shikar ho jata hai. Marriage For Physical And Mental Peace Shaadi (Marriage) Shaadi Sey Jismani Aur Zehni Sukoon Mani (seminal fluid) kay ikhraj ka sab sey behter zarya shaadi hai isi liye Allah kay nabi ney taakeed ki hai kay baaligh hotey hi fard ki shaadi kar di jaey ta’kay woh gunaho’n sey bach jaey. Shaadi ki wajah sey fard na sirf gunaho’n sey bach jata hai bul kay mani kay ikhraj ki wajah sey woh jismani aur zehni tor per pursukoon ho jata hai. Biwi sey mubashrat sirf faraj mein karney ki ijazat hai. Maq’ad (anus) mein mubashrat qata’an haram hai. Hazrat Abu Hurera sey rivayat hai kay Hazrat Muhammad ney farmaya kay apni biwi kay paas maq’ad (anus) mein aaney wala mal’oon hai. (Ahmed, Abudaud) Maghrib mein taqreeban 30% mard kabhi na kabhi aurat ki maq’ad (anus) mein mubashrat kartey hain, yaad rahey kay dakhool (penetration) kay ba’ad donon per ghusl farz ho jata hai chahey inzal ho ya na ho. Shaadi bhi kisi aurat kay sath ho. Maghrib mein to shaadi mard kay sath bhi hoti hai jo kay ek bohut bara gunah hai. Badqismati sey humarey haan bhi aisey log mojood hain jo aurat ki nisbat mard sey jinsi fael ko terjeeh detey hain yeh ek nafsiyati beemari hai jis ka nafsiyati elaj mumkin hai. Humarey haan yeh sahoolat mojood hai. Discharge of Semen Ehtelam (Nocturnal Ejaculation) Ek dubla patla naujawan merey clinic mein aaya, woh bohut pareshan tha. Uss ney bataya kay woh din ba din kamzor hota ja raha hai, uski mardana quwwat khatam hoti ja rahi hai. Meine wajah poochi to bataya kay usey haftey mein ek baar Ehtelam ho jata hai. Meine uss sey poocha kay kya woh bachpan mein mota taza tha uss ney bataya kay woh bachpan hi sey dubla patla hai. Meine poocha kay kya usey bachpan mein bhi Ehtelam hota tha uss ney nafi mein sar hilaya yani uss kay dubley pan ki wajah Ehtelam na tha magar woh iss ko wajah samajh kar pareshan tha. Mani kay ikhraj ka doosra behter rasta ehtelam hai jin naujawano ko mubashrat ya khud lazzati ka kasrat sey moqa nahin milta unn ko Ehtelam ho jata hai. Yani sotey mein khwab mein ya khwab kay baghaer peeshab kay rasta mani kharij ho jati hai. Iss kay baad ghusl farz ho jata hai, albatta iss sey roza nahin tootta. Hazrat Abu Hurera sey marvi hai kay RasoolAllah ney farmaya kay teen cheezon sey roza nahin tootta, pachna, qaey aur Ehtelam . (Abudaud) Yeh amal 8, 10 saal ki umer sey shuru ho sakta hai. Behter hai kay bachay ko iss kat muta’alliq paeshgi bata diya jaey warna isey jinsi beemari samajh ley ga aur khauf zada aur pareshan ho jaey ga. Phir kisi neem hakeem kay hutthey charh kar sehat aut rupya zaya karey ga. Ehtelam ek bilkul normal aur sehat mand uzwiati amal ya kaifiyat hai jis kay barey mein pareshan honay ki zaroorat nahin. Larkon Kay Masail Jinsi Mughalitey Masail Aur Unka Hal in Hindi and Urdu Baloghat kay waqt bachon kay jism mein bohut si jismani tabdeeliyan aati hain. Maslan zer e naaf baalon ka aajana, larkon ko shahoot ka zyada aana aur phir shahoot ki wajah sey zakar sey laesdaar liquid ka kharij hona. Jins e mukhalif ki taraf kashish mehsoos karna, larkon ko ehtelam aur larkiyon ko mahwari ka khoon aana waghaera. Aksar naujawano’n ko shak hota hai kay yeh tabdeeliyan normal hain ya abnormal. Badqismati sey humarey naujawano’n ko iss silsiley mein durust ma’aloomaat nahin miltiin chuna’ncha neem hakeem aur deewari ishtehaaraat ki ma’aloomaat ki wajah sey aksar naujawan inn fitri tabdeeliyon ko khatarnaak jinsi aur jismani beemariyan samajh letey hain aur phir pareshan ho jatey hain. Iss pareshani aur zehni daba’u (stress) ki wajah sey woh mukhtalif nafsiyati aur jismani beemariyon ka shikar ho jatey hain maslan yeh naujawan amooman depression ka shikar ho jatey hain. Iss marz mein fard shadeed udaasi aur afsurdagi mehsoos karta hai, iss ka kisi cheez mein dil nahin lagta, kuch karney ko dil nahin karta, tanhaee pasand ho jata hai, uski neend urr jati hai, bhook khatam ho jati hai wazen kam ho jata hai. Fard kay jism kay mukhtalif hisson mein dard honay lagta hai aur phir usey yaqeen ho jata hai kay usey waqaee koi khatarnaak beemari lag gaee hai. Phir yeh naujawan kisi neem hakeem kay hutthey charh jatey hain jo unhein batatey hain kay unko koi khatarnaak qism ki jismani aur jinsi beemari lag gaee hai Physical Development of Infants (Jismani Nashaunuma) Insaan paeda hotey hi mukammal mard ya aurat nahin ban jata. Paeda’esh sey ley kar burhapey tak insan ko kaee manazil taey karna hoti hain. Insani jismani nashaunuma ki teen ma’aroof manazil hain 1. Baalak pan (Infants) 2. Bachpan (Childhood) 3. Baloghat (Puberty) 1. Baalak pan (Infants) Baalak pan ka aaghaz bachey ki paeda’esh sey hota hai. Sehat mand bacha amooman 280 din kay ba’ad paeda hota hai. Baalak pan mein bachey kay qadd aur wazen mein bohut taezi sey izafa hota hai. Paeda’esh kay waqt ek sehat mand bachey ka weight 6 ta 9 pounds hota hai aur qadd taqreeban 18 inches kay lug bhug hota hai. Pehley saal kay aakhir tak wazen mein 3 guna aur qadd mein 40% kay hisab sey izafa ho jata hai. Doosrey saal mein bachey ki nashaunuma qadrey sust ho jati hai jo agley 2 saal mein mazeed sust ho jati hai. Ma’aroof mahir e nafsiyat Watson kay mutabiq 2 saal ki umer mein bachey ka average qadd 32,33 inches aur wazen 27 pounds ho jata hai jab kay 5 saal ki umer mein bachey ka qadd paeda’esh kay waqt sey do guna aur wazen 5 guna ho jata hai. Bachon ki jismani nashaunuma per jinsi ikhtilafaat ka asar numaya’n hota hai, paeda’esh kay waqt male bacha qadd, wazen aur jisamat kay lehaz sey female bachey sey bara hota hai. Yeh farq baalak pan kay poorey arsey mein qa’em rehta hai. Iss daur mein amooman larkey larkiyon sey zyada sehat mand dikhaee detey hain. Baalak pan (infancy) ka daur 5,6 saal tak chalta hai. 2. Bachpan (Childhood) 5,6 saal ki umer sey ley kar 12 saal tak (larkiyon kay liye) aur 14 saal tak (larkon kay liye) ka arsa bachpan kehlata hai. Iss daur mein bachon kay qadd aur wazen mein izafa hota rehta lekin baalak pan kay daur ki nisbat iss daur mein nashaunuma ki raftaar qadrey kam hoti hai. Bachpan kay daur kay aaghaz mein sehat mand bachey ka wazen 43 pound aur qadd 44 inch ho jata hai aur ikhtetaam per qadd taqreeban 5 feet ho jata hai aur wazen 95 ta 100 pound ho jata hai. Ibteda mein larkon ki nashaunuma ki raftaar larkiyon kay muqabley main taez hoti hai lekin 10 saal ki umar kay ba’ad larkiyon kay qadd aur 11 saal ki umer kay ba’ad unn kay wazen mein larkon ki nisbat zyada izafa honey lagta hai. Larkon ki harkaat aur unki jismani kaarkardagi larkiyon sey behter hoti hai. Larkey larkiyon sey taez aur tanumand hotey hain. 3. Baloghat (Puberty) Baloghat (puberty) ka daur larkiyon kay liye larkon ki nisbat 2 saal pehley shuru ho jata hai yani larkiyon kay liye iski ibtidaa amooman 12 saal ki umer mein ho jati hai aur larkon mein 14 saal mein. Ba’az bachiyan 9 saal ki umer mein baaligh ho jati hain. Meien Bahawalpur kay ilaqey mein ek 10 saala maan dekhi. Garam ilaqo’n mein bachey jald jawan ho jatey hain. Isi tarah uryaani, beyhayaee aur fahashi kay mahol mein bhi bachey ek do saal pehley baaligh ho jatey hain. Isliye Europe aur America mein bachey ab nisbatan jald baligh ho jatey hain. Baloghat (puberty) mein bachon kay jism mein haerat angaez tabdeeliyan ru numa hoti hain. Qadd, wazen aur a’aza mein tezi sey izafa hota hai. Yeh izafa larkon mein 13 sey 15 saal ki umer kay darmiyan hota hai. Iss daur mein inn kay qadd mein kam o baesh 8 inch ka izafa ho jata hai aur wazen 40 pound tak barh jata hai. Larkiyon kay qadd mein 11 sey 13 saal ki umer kay darmiyan 5, 6 inch ka izafa ho jata hai. Iss kay ba’ad qadd aur wazen barhney ki raftaar sust ho jati hai. Haddiyon mein phelao aa jata hai, kandhey khuley ho jatey hain. Iss daur kay aaghaz sey hi bachon kay jism mein aisi tabdeeliyan honay lagti hain jin sey mard aur aurat mein farq wazeh ho jata hai. Larkon kay gaal per baal aaney shuru ho jatey hain, larkiyon ki chaatiyan ubharney lagti hain, baghlon kay elawa donon kay zer e naaf baal ugg aatey hain. Donon kay liye zer e naaf baal saaf karna sunnat hai. Larkiyon ko mahwaari (menses) ka khoon aana shuru ho jata hai aur larkon ko ehtelam (nocturnal ejaculation) honay lagta hai. Iss daur mein larkiyan, larkon ki nisbat zyada dilkash nazar aati hain. Ab donon jinsi aur azdawaji faraez ada karney kay qabil ho jatey hain. Taaza tareen research kay mutabiq America mein larkiyon mein baloghat ka aaghaz 8 ta 13 saal ki umer kay doran chatiyon kay ubharney sey hota hai. Iss doran unn kay hips aur buttocks bhi barhney lagtey hain. Chaatiyon kay ubharney kay kuch arsa ba’ad zer e naaf baal aa jatey hain. 2 saal ba’ad baghlon mein baal aaney lagtey hain. Taqreeban 13 saal ki umr mein larkiyon ko pehli mahwari aati hai magar larki uss waqt tak hamla nahin hoti jab tak Ovulation shuru nahin ho jati jo amooman pehli mahwaari kay 2 saal ba’ad hoti hai. Bohut kamzor aur dubli patli larkiyon ki mahwari ka aaghaz zara der sey hota hai. American larkon mein baloghat ka aaghaz 2 saal ba’ad 10 ta 13 saal ki umer kay doran zer e naaf baal aaney sey hota hai. Ek saal kay ba’ad larkon kay zakar (penis) ka size barhna shuru ho jata hai. Zer e naaf balon kay taqreeban 2 saal ba’ad larkon ki baghlon aur chehrey per baal aa jatey hain. Zer e naaf baalon kay taqreeban 1.5 saal ba’ad 13 ya 14 saal ki umer mein larkon ko pehley inzal ka tajurba hota hai iss sey pehley jinsi suroor (orgasm) to tha magar inzal na tha. 15 saal ki umer mein mani mein mojood sperms pakhta (mature) ho jatey hain jis sey bacha paeda ho sakta hai. Amooman pehley inzal jo kay khud lazzati (masturbation) sey hota hai kay ba’ad ehtelam (nocturnal ejaculation) shuru ho jata hai. Jo larkey khud lazzati nahin kartey unn ka pehla inzal ehtelam hota hai. (Hyde) Jismani tabdeeliyon kay elawa zehni aur nafsiyati tabdeeliyan bhi aati hain. Bachey bey ja khauf aur wahem ka shikar ho jatey hain. Unn ki jazbati zindagi per jinsi khwashihat (libido) hawi ho jati hain. Jins e mukhalif ki shadeed kashish mehsoos hoti hai. Iss daur mein jinsi beyrahrawi (sexual perversion) ka shadeed khatra hota hai. Iss umer mein bacho’n ko walaedaen ki mohabbat aur rehnumaee ki zyada zaroorat hoti hai. Sex Education For Children Magar bacho’n ko sex education marhala waar milni chahiyien maslan 10, 11 saal kay larkon ko ilm ho kay sotey mein inn kay penis sey ek khaas qism ka safaed liquid kharij ho sakta hai jo kay bilkul fitri cheez hai na kay koi beemari. Iss tarah bachiyon ko to 10 saal ki umer mein yeh ilm ho jana chahiyie kay unn ki faraj sey khoon nikal sakta hai jo kay baloghat ki alamat hai na kay koi khatarnaak beemari. Humarey haan yeh ajeeb baat hai kay log bachon ko jinsi taalem (sex education) fraham karney ko bura samajhtey hain, hala’n kay yeh talim deegar ashkaal mein mufassal tor per school, college aur university ki satah per biology, physiology, anatomy, gynecology aur psychology kay mazameen kay students ko dii jati hai. Allah ta’ala ney Quran majeed aur Hazrat Muhammad ney ahadees mein tafseel kay sath yeh zaroori aur fitri ma’aloomaat fraham kii hain, yani yeh bari ajeeb baat hai kay jis baat ko Quran aur sahib e Quran bataein hum usey batatey huey sharmaein. Kya bachon ko paki, na paki kay baarey mein ma’aloomat nahin milni chahiyien, kya naujawano’n ko yeh ilm nahin hona chahiyie kay ehtelam (nocturnal ejaculation) aur mubashrat (intercourse) kay ba’ad ghusl farz ho jata hai. Aisi soorat e haal mein ghusl kis tarah karna hai, kya inn ko yeh ilm nahin hona chahiyie kay qatro’n kay ikhraj sey ghusl farz nahin hota. Bohut sey naujawan namaz parhney mein iss liye bhi kotahi kartey hain kay woh inn qatro’n ko paleed samajhtey hain hala’n kay yeh qatrey napaak nahin hotey. Iss soorat mein sirf penis ko dho lena aur wuzu kar lena kafi hai. Kya naujawano’n ko yeh nahin ma’aloom hona chahiyie kay mani (seminal fluid) koi qeemti cheez nahin aur na hi peeshab pakahnaey ki tarah napaak hai. Khush mani ko ragerr kar saaf kya ja sakta hai. Isi tarah kya naujawano’n ko yeh ilm nahin hona chahiyie kay Hum jinsiyat (homosexuality) na sirf gunah hai bul kay khatarnak jinsi bemariyon khusoosan AIDS waghaera kay phaelney ka mu’asser zarya hai. Kya naujawan nasal ko iss baat ka ilm nahin hona chahiyie kay mian biwi kay jinsi ta’alluqaat per sharmindagi ki koi baat nahin, yeh koi buri cheez nahin. Allah kay nabi ney biwi kay sath mubaashirat ko naeki aur sadqa qaraar diya hai. Iss tarah kyalarkiyon ko yeh ilm nahin hona chahiyie kayhaez koi bemari nahin bul kay ek fitri cheez hai jo inn ki baloghat aur takmeel ki alamat hai. Kya bachiyon ko yeh ilm nahin hona chahiyie kay leucorrhea koi beemari nahin. Agar aap bachon ko Quran o sunnah aur jadeed ilm ki roshni mein khud jinsi ta’aleem nahin deingey to bachey yeh ma’aloomat apney doston, deewaro’n per ishtehaaraat aur ghaer meyari kutub sey hasil kareingey jo taqreeban 100% ghalat aur gumrahkun hoti hain. Ek research kay mutabiq bachey taqreeban 50% jinsi ma’aloomat doston aur 21% kutub sey hasil kartey hain(Hyde). Budqismati sey bacho’n kay doston ki ma’aloomaat durust hoti hain na hi humarey haan iss mozou per meyaru kutub mojood hain. Iss hawaley sey ek sawal yeh paeda hota hai kay bachon ko jinsi taleem kab dii jaey. Iss silsiley mein Quran majeed sey rehnumaee milti hai. Who bachey jinki madri zuban urdu hai woh ju’nhi Quran Majeed parhna shuru kartey hain unn ki sex education bhi shuru ho jati hai. Amooman bachey 9 ya 10 saal ki umer mein Quran majeed parhna shuru kar detey hain. Mashhoor huftroza Time kay ek survey kay mutabiq awam ki aksaryat ka khayal hai kay jinsi ta’aleem 12 saal ki umer sey shuru ho jab kay walaedaen ka khayal hai kay bachon ki jinsi ta’aleem baloghat sey pehley shuru nahin honi chahiyie magar haqeeqat yeh hai kay bacha apni jinsi ta’aleem apney ibtedaee saalon mein shuru kar deta hai Aur yeh bhi haqeeqat hai kay bachey ko agar sahi zaryey sey malumat na milein to phir woh galat aur tabah kun zaryey sey gumraah kun malumat hasil karta hai aur inhi malumat ka asar hai kay naujawan tabqa jinsi aur akhlaqi tor per tabahi kay kinarey per khara hai. Humarey khayal mein jinsi talim bachon ko ghar hi sey miley. 9/10 saal ki umer mein maan beti ko aur baap betey ko yeh ta’aleem deni shuru kardey. Research sey sabit ho chuka hai kay bachey walaedaen sey jinsi malumat hasil karney ko tarjeeh detey hain. Iss liye yeh baat bey hudd zaroori hai kay walaedaen khud Quran o sunnah aur jadeed tehqeeq ki roshni mein taza aur sahi ma’aloomat hasil karein ta’kay woh agli nasal ko yeh ma’aloomat muntaqil kar kay ek pursukoon aur behter mua’ashirey ki bunyaad rakhein. Walaedaen kay elawa teachers ko bhi yeh malumat hasil karni chahiyien ta’kay woh hasb e zaroorat bachon ki rehnumaee kar sakein. Yeh talim bachon ko ek dum nahin bul kay marhala waar milni chahiyie ta hum shaadi sey pehley jinsi talim ki takmeel ho jani chahiyie. Iss talim mein bachon ko apney jismani a’aza (anatomy) aur unn kay functions (physiology) kay hawaley sey malumat fraham ki jaein. Iss kay elawa mubashrat, halal, haram, hamal, paeda’esh aur jinsi beemariyon waghaera kay hawaley sey malumat dii jaein. Khusoosan jins kay hawaley sey jitney mughalitey hain unn ki haqeeqat sey bachon ko aagah kya jaey. Iss kay elawa bachon ko yeh talim o tarbiyat bhi dii jaey kay unhoney apney aap ko jinsi tashaddud (sexual abuse) sey kis tarah bachana hai. Importance Of Sex Education – Jinsi Taleem Ki Zaroorat Mardon ko, aurton ko, bachiyon ko, jawano’n ko, hutta kay boorhon ko bhi aam taaleem ki tarah jinsi taaleem (sex education) ki zaroorat hai, khusoosan naey shadi shuda couples ko khushgawar azdwajii zindagi kay liye jinsi taaleem ki sakht zaroorat hai. Magar yeh taaleem inn ko Quran aur jaded tehqeeq ki roshni mein sha’estigi kay sath milni chahiyie. Chu’n kay humarey haan iss tarah ka koi intezam nahin jis ka nateeja yeh hai kay naujawan nasal neem hakeemon, ataiyo’n, dewaro’n per ishtehaaraat aur ghaer meyari kutub sey jinsi ma’aloomat hasil karti hai jo kay aksar ghalat, gumraah kun aur tabah kun hoti hain. Inn ghalat ma’aloomaat ki wajah sey humarey mu’aashrey mein bohut sey jinsi masail paeda ho chukey hain jo kay normal azdawaji zindagi mein bohut bari rukawat sabit ho rahey hain, jis ki wajah sey bohut si shadiya’n naakaam ho jati hain, shohar pagal ho jatey hain aur kuch bey charey khudkushi kar letey hain. Jinsi taaleem (sex education) na sirf azdawaji zindagi ko khushgawar banati hai bul kay iss ki madad sey jinsi jara’em maslan incest, zina biljabr aur doosrey jinsi gunaah masaln hum jinsiyat waghaera ko kam kiya ja sakta hai. Jinsi khwahish (libido) bohut taez aur mu’nh zor hoti hai jo fard ko jinsi gunah aur jara’em per majboor kar deti hai, iss kay elawa sex education ki madad sey ahem jinsi masail maslan surat e inzal (premature ejaculation) aur mardana jinsi kamzori (erectile dysfunction) waghaera ka tadaruk bhi kya ja sakta hai. Maghrib mein jinsi taaleem, ta’aleemi idaro’n mein dii jati hai magar wahan ta’aleem amooman bacho’n ko zina per aamaada karti hai. Waisey mahireen ka khayal hai kay bacho’n ko jinsi taaleem deney kay liye walaedaen sab sey zyada mozoon hain na kay ta’aleemi idaarey. Baap betey ko aur maan beti ko yeh taaleem dey. Lehaza walaedaen ko iss hawaley sey zyada sey zyada ma’aloomaat hasil karni chahiyien ta’kay woh aaney wali nasal ko yeh ilm muntaqil kar sakein. Islami Talimat Aur Jinsi Zindagi (Sexual Life In Islam) Islam ek mukammal zabta e hayat hai jiss ney apney paero kaaro’n ko zindagi kay har shobey mein rehnumaee fraham ki hai. “Jinsi Zindagi” (sexual life) insaani zindagi ka ahem tareen pehlu hai. Chunancha Allah ney Hazrat Adam kay sath Amma Hawwa ko paeda farmaya. Quran Majeed mein irshad hai kay, “uss ney tumharey liye tumhari hi jins sey biwiya’n bana’een ta’kay tum unn kay paas sukoon hasil karo” (Surah Rome Ayat 21) Isi liye Allah kay nabi ney farmaya kay nikah meri sunnat hai jiss ney iss per amal na kiya woh hum mein sey nahin. Hazrat Muhammad ney ek aur jagah farmaya “Allah haq baat kehney sey nahin sharmata”. Chunancha Quran mein jinsi zindagi kay ahem usolo’n maslan shaadi (marriage), mubashrat (intercourse), mubashrat kay tariqey (sex positions), mani (seminal fluid), rehem e madar, haez (menses), hamal (pregnancy) aur uss kay mukhtalif adwaar, bachey ki paeda’esh, zina (adultery) aur hum jinsiyat (homosexuality) waghaera ka zikr hai. Doosri taraf Allah kay nabi ney bhi bari tafseel kay sath jinsi zindagi kay mukhtalif pelu per roshni daali hai. Bud qismati sey hum mein sey aksar log iss sey aagaah nahin. Khushgawar azdawaji zindagi kay liye ilm ki zaroorat hai. Kisi ney khoob kaha hai kay ‘Knowledge is power and sexual knowledge is super power’ chunancha merey khayal mein Pakistan mein har fard ko jinsi ta’aleem ki zaroorat hai. Introduction Aala ta’aleem kay ba’ad America sey wapsi per meine Bahawalpur division kay ek chotey sey sheher Chishtiya’n main apna anfsiyati clinic shuru kya. Mera pehla mareez ek ma’amooli parha likha dehaati naujawan tha jis ki inhi dino’n shadi hui thi magar yeh naujawan kaee maah guzarney kay bawajood apni biei sey azdawajii ta’alluqaat qa’em karney mein kaamyaab na hosaka. Doctors kay mutabiq woh bilkul normal tha yani usey koi jismani masla nahi tha. Pehli mulaqat mein uss kay masley per amoomi guftugoo hui phir usey elaj kay liye chund din ba’ad bulaya magar who na aaya, mein bhi uss naujawan ko bhool gaya. Ek maah ba’ad achanak uss kay barey bhaee sey mulaqat hui, meine uss naujawan kay muta’alliq poocha, uski aankh sey aansoo nikal aaey uss ney aansoo ponchtey huey bataya kay uss ney khudkushi karli. Dar asal woh abhi tak azdawajii ta’alluqaat qa’em na kar paya tha, uss ko yaqeen tha kay who iss qaabil nahin haala’n kay uss kay saarey tests normal thay, phir sharmindagi sey bachney kay liye ek andheri raat biwi ko ley kar ga’on sey baher aaya pehley biwi ko ek darakht kay sath latka diya phir khud bhi ussi darakht kay sath jhool gaya. Haqeeqat yeh thi kay usey koi jinsi masla nahin tha, uska masala sirf nafsiyati tha. Uss ney humein mohlat na dii kay hum uski madad kartey haala’n kay aaj kay ilmi daur mein iss tarah kay masley ko aasaani sey hal kya ja sakta hai. Hum iss tarah kay masail har roz hal kartey hain.

This entry was posted in Articles, Aurton Kay Masail, Baaz auqat biwi jisni taskeen chahti hai magar mian ko kisi wajah (thakawat, Foreplay Methods, General Health, Mardana Quwwat Ki Adviyat, Mardana Quwwat Mein Izafa, Mardon Kay Masail, Missionary Method, Question's, Satisfying Wife - Biwi Ko Jinsi Tor Per Mutmain Karna, Sexual Life, Sexual Satisfaction Alternatives, Shadi Ki Pehli Raat In Urdu For Men, tension, Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s